LOVE talk:: 識破他早已心有所屬的5個方法

#16號愛人 #心有所屬 #意中人 #戀愛 #男人

當女生遇到一個bf-able嘅男生,除咗會將樣貌、身高、體重、身型、興趣、職業、收入、家底⋯⋯等等諸如此類嘅條件納入考慮因素之外,最緊要都係問清楚一句:「究竟你有冇意中人?」呢個似係一個問唔爛嘅問題,雖然老土,但有效。無謂倒頭來先知道自己原來永遠都係16號愛人,女人青春確實有個賞味期限,如果痴心錯付搞到嘥哂大好青春就喊都無謂啦~

 

所以,姊妹們,就算當妳哋遇到個可以令妳內心卜通卜通地狂跳嘅男仔嗰陣,冷靜啲先!幾想在世界中心呼喚愛都好,腦海入面都要有個概念,就係必須首先要知道佢究竟有冇意中人!咁究竟又有乜方法唔洗開口都可以知道呢個男仔有冇鍾意嘅人呢?

只需姓名即測到意中人究竟係咪鍾意你!

 

#1 facebook/IG

本世紀最偉大嘅發明莫過於網絡,隨之興起嘅各個網絡社交媒體已經成為現世代每日必備嘅日常用品,亦都係人肉搜尋嘅最佳拍檔,所以,既然妳已經生於廿一世紀呢個資訊爆炸嘅年代,就狠狠地用盡廿一世紀嘅資源,好好利用facebook/ig去起佢底!

 

個人社交媒體就好似張個人卡片一樣重要,係現代社交生活入面幾乎係不可或缺嘅工具,就算係一啲原本完全唔socialable嘅獨家村到最後都會屈服喺潮流下用上。而呢個正正係一個至好途徑可以俾妳認識一個人,因為facebook/ig上面可以睇到好多佢嘅私人資訊,包括佢嘅感情狀況!雖然唔係每個人都會誠實將自己嘅relationship status公告天下,但其實除咗感情狀態之外,妳都可以重點睇吓佢平時PO乜、對啲乜PO會有興趣或讚好以便投其所好,或者可以睇吓佢有冇四圍留言firlt呢個firlt嗰個,有時仲可以睇到有啲乜人會tag佢,咁對於佢嘅基本資訊可謂一目了然啦!

 

 

#2 佢係手機控嗎?

喺聚會期間稍微觀察一下佢篤電話嘅頻密程度,都可以睇得出佢究竟有冇心上人。如果佢已經有女朋友或者意中人,喺正常情況下,佢總會時不時做個低頭族忙於覆message,更甚者可能會做個「灰姑娘」早早就話要走;或者可以留意下佢同人講電話嘅語氣,會唔會同平時講嘢個tone唔一致、有冇對電話嗰面嘅人有親切嘅稱呼等等,呢啲都可以曲線知道佢嘅心有冇俾第二個霸住咗。

用塔羅牌即測出你同佢其實係唔係兩情相悅!

 

#3 佢面對約會嘅反應

一個男仔如果係已經有女朋友或者意中人,對於單獨約會嘅邀請都會顯得比較猶豫或退縮,原因都係怕佢嘅「元配」誤會,妳不妨試吓約下佢單獨出去食個飯或睇場戲,睇下佢究竟係爽快應約定係斷然拒絕、抑或是佢會先考慮一下,但最後都係婉拒妳。通常會爽快拒絕嘅,佢都係對妳冇乜意思,咁妳都無謂「神女有心,襄王無夢」啦~

♥女生限定♥ 佢究竟覺得妳正唔正?即睇!

 

 

#4 轉彎抹角打探一下

喺未確定嘅情況之下,妳不妨可以旁敲側擊咁問佢好多關於佢鍾意邊類型女仔之類嘅問題,例如係「你女朋友做盛行呀?」或者係「你女朋友幾多歲呀?」,但一定要問得有意無意先至有效,太過於著跡嘅反而會有反效果,令佢唔想再同妳傾偈,更甚者會覺得妳好煩。

 

#5 直接問:你究竟有冇意中人?

喺愛情前面,有時直截了當反而可以得到意外嘅效果,有時好多問題,只係人類將其複雜化,如果可以回歸簡單、回想初衷,就唔會有咁多煩惱事,所以直接問絕對可以快速得到最直接嘅回答,黎個速戰速決!但同時如果妳選擇咗直接問佢,就代表妳將會曝露自己對佢嘅情感,咁如果佢對妳冇興趣,咁尷尬嘅空氣就會將你哋僅有嘅友誼殺死了。

以為無望嗎?先不要絕望!你的戀愛告白日即將在X月X日!

 

回想一下,如果想要擁有一段美好嘅愛情,就必須要接受所有好與不好會發生嘅可能性,就好似過大海買鋪大細咁,「放手搏一搏、單車就會變摩托」。其實如果妳明知心入面、滿腦子都只有佢,何不勇敢啲講出一句:「我鍾意你,你呢?」,無論答案係點,至少妳都捍衛過妳嘅愛情、為妳嘅幸福略盡過一點綿力。

日本招福占母揭開妳和他的最終關係!