女追男真係隔層紗?女生必學3招輕鬆捕獲他的心

#單戀 #女追男 #戀愛 #捕獲他的心 #男人 #鍾意

妳睇住身邊嘅閨密一個接一個拍拖、談戀愛,成年已經參加咗一場又一場嘅婚禮,但自己都仲係單身,心裡難免有點難過?或者我哋都曾經有心儀嘅對象,但愛在心裡口難開。可能係因為唔夠自信,亦有可能係因為冇勇氣去表明心跡。與其坐喺度乾等,不如勇敢啲坦白話俾對方知自己嘅心意。咁究竟應該點樣準確無誤將心意傳達俾意中人呢?以下即將傳授3招女追男必勝技,等妳輕鬆捕獲他的心!

即按此►激準占卜教妳如何捕獲TA的心

 

 

 第一招:使用鏡面效果

 

兩性學入面嘅鏡面效果,其實係一種潛意識層面嘅溝通模式。妳可以通過模仿對方嘅文字、聲音、肢體動作達成好似同對方「同步中」,咁樣可以快速令對方對妳產生好感,有相逢恨晚嘅感覺。當二人所使用嘅文字、說話嘅語氣、音調、態度、呼吸方式及頻率表情、手勢、甚至舉止動作都處於一種共同嘅狀態下,兩個人自然會產生共鳴,對方會直覺地認為,妳同佢嘅個性相近,從而逐漸建立好感。

 

點樣做到鏡面效果?妳只需要認真傾聽,細心觀察意中人嘅行為舉止,當妳有日同佢交談卻不經意重覆著佢嘅語言、動作,咁會令佢對妳產生一種親密感!每個人都鍾意同自己步調一致嘅人相處,想要快速贏得對方嘅好感以拉近關係,學識巧妙地運用鏡面效果,令佢覺得望住妳就好似望住自己咁,當佢覺得:「欸~點解妳同我咁相似嘅?」咁樣妳已經距離戀情成功邁進一大步!

如果佢都抱有好感,咁下一步要戀愛了嗎?塔羅即測佢係咪想妳做佢女朋友?!

 

第二招:保持笑容

 

妳應該都有聽過「愛笑的女孩運氣不會差」呢句說話!微笑係女人最好嘅化妝品,相信冇男仔會鍾意一個成日愁眉苦臉、「吱」都唔笑嘅女仔,所以只需要掛著笑容,就可以令佢不自覺地放鬆心情,非常享受同妳一齊嘅時光,咁就可以縮短妳同佢之間嘅距離。妳嘅微微一笑很傾城,妳知道嗎?

 

但應該點樣微笑呢?以下練習可以幫妳搵出自己最理想嘅微笑表情,平時不妨對住塊鏡練習幾分鐘:

1. 對住塊鏡,以上排牙齒緊緊咬住下唇
2. 輕輕將上唇肌肉往上拉,直到自己能夠清楚睇到自己嘅牙齦
3. 用力將嘴角肌肉往上提,直到感覺到自己雙頰開始有微微動
4. 用盡力撐大雙眼並維持兩分鐘

 

除此之外,微笑嘅時機都好重要。切忌一見到意中人就立刻微笑,咁會令佢覺得妳好似一個專業嘅客戶服務員,比較好嘅做法係,注視對方嘅臉孔,停留一、兩秒再露出微笑,咁就會營造到妳嘅微笑效應了!

只需二人姓名即測妳和他有機會相戀嗎?

 

第三招:勇於表達心意

當女仔面對意中人時,總會不自覺將自己放喺被動嘅角色,唔敢主動追求。其實面對愛情,男同女都一樣,如果妳無法抓緊機會主動向意中人表明心跡,咁一段大好姻緣可能會因為妳嘅遲疑而斷送。所以,妳必須為咗愛而變得勇敢!當妳遇到意中人,請大膽出擊,使出妳嘅渾身解數、展示妳嘅優點,同時令佢多多了解妳,通常由於妳嘅大膽同主動,妳嘅戀情實現機會都會大大提升!

主動告白後,戀情會順利嗎?即刻祈願占一下!

 

正常男仔通常係唔會對自己有好感嘅女仔展露惡意,所以妳只需適當地放低身段,勇敢並直接地向佢表達自己嘅情感就可以了。善用以上3招愛情技巧,除咗會令妳嘅戀愛力直線提升,妳嘅人緣、桃花運都會更勝從前。小編在此希望妳嘅意中人早日被妳吸引住,有情人終成眷屬!

【奇跡の戀情成就占】秘術解說二人宿緣×結局