【終結單身✕出遊求緣】嚴選日本7大最強戀愛Power Spot

#PowerSpot #戀愛 #戀愛聖地 #日本戀愛神社 #日本旅遊 #疫情後必去 #結緣 #結緣神社

東洋思想與醫學中有「氣」(き)呢個詞彙,人們相信「氣」可以產生肉眼睇唔到嘅神奇能量,自古以黎就被推崇為能夠治療病痛、淨化身心。而日文入面有個單詞叫「Power Spot」(パワースポット),直譯成中文即係能量景點,簡單講就係一個充滿「氣」嘅地方,人吸收咗呢啲能量據講可以令運勢變得更好。

 

日本有好多以山、海、神社、寺廟呢啲擁有大地能量同磁場嘅power spot,人身處嗰度可以淨化心靈並獲得能量,而當中有好多仲係出名提升戀愛運架!想出pool脫單?以下介紹分佈於日本7個唔同地方嘅戀愛power spot,等妳戀愛運up up up!

 

#1 北海道 - 美瑛神社

美瑛神社已有過百年歷史,係北海道知名嘅結緣神社,點解?因為除咗正面赤紅色鳥居有心型標誌之外,神社入面其他裝飾都有心型標誌,當妳喺神社入面發現到越多「隱藏心心」嘅心型裝飾,就表示妳嘅戀愛運亦會相對提高,所以試下搵到幾多個心心,搵下搵下,真命天子隨時出現喺妳眼前!

地址:〒071-0213 北海道上川郡美瑛町東町4丁目701番地23

 

#2 東北地區 - 岩木山神社

岩木山神社位於被稱為津輕富士山嘅岩木山山腳下。由創立至今已有1200多年歷史,整個鳥居到本殿參道都被杉木圍繞住,有「奧日光」之美稱。被大自然包圍下,寧靜嘅神社相傳能夠為人們帶來良緣,唔單止係戀愛運同結婚運,仲可以添財、添福、加持健康運、驅除厄運等等,係一個可以令所有願望都成真嘅能量景點。

地址:〒036-1343 青森県弘前市大字百沢字寺沢27

 

#3 關東地區 - 東京大神宮

不論妳而家正處於暗戀定明戀、單戀定相戀,都請務必前往有著「戀愛神社」封號嘅東京大神宮加持妳嘅戀愛運!東京大神宮嘅主祭神係太陽女神「天照皇大神」,除此之外,亦合祭咗掌管男女姻緣嘅「造化三神」、同埋據說係絕世美女嘅皇女「倭比賣命」,再加上神宮為日本傳統婚禮 - 神前結婚式嘅發源地同舉行婚禮嘅熱門場所,自然成為咗求姻緣嘅power spot。

據說,有人啱啱參拜完就即刻遇到生命中嘅Mr. Right / Mrs. right,十分靈驗!而且,神宮入面販賣著以鈴蘭花為原型製成嘅「鈴蘭御守」廣受女性歡迎。鈴蘭花嘅花語為:「幸福將來訪」,如果縛住鈴蘭花嘅繩子自動斷裂嘅話,即代表戀愛願望即將實現。

地址:〒102-0071 東京都千代田区富士見2-4-1

 

#4 中部地區 - 生島足島神社

日本中部地區長野縣有著一個九世紀初就已經存在嘅神社,入面供奉住「生島」同「足島」兩位神明,係日本國境內少數以大地為神體嘅古老神社,本殿建造於池塘中隆起嘅小島上,乃日本最古老嘅祭祀神明形式之一。就咁聽,大地能量已滿滿注入⋯⋯

神社入面尤其聞名係一棵樹齡已超過800歲嘅神木,樹嘅根部有兩塊大石頭,據說,若一對夫婦同時手觸呢兩塊石頭嘅話,就會有美滿嘅婚姻生活;如果單身男女去摸石嘅話,戀愛願望亦會成真。

地址:〒386-1211 長野県上田市下之郷中池西701

 

#5 近畿地區 -高野山

高野山係日本嘅千年佛教聖地,作為一個歷史秘景並擁有世界遺產嘅美名,山上最南端有一座金剛三昧院,建造於西元1211年,寺內主供東密佛教中地位極高嘅愛染名王,又稱為金剛神,可保佑男女婚姻及戀愛和合。

地址:〒648-0211 和歌山県伊都郡高野町高野山600番地

 

#6 四国地區 - 大山寺

位於四国嘅大山寺建於西元500年,富歷史色彩,是日本人一直喜愛嘅開運招福、男女結緣之寺。攀上寺頂可以睇到十州景勝地,為德島百景其中之一,相信妳黎到呢度除咗祈求戀情順利之外,亦可以透過動人嘅景色得到另一種正能量。

地址:〒771-1320 徳島県板野郡上板町神宅字大山14-2

 

#7 九州 - 霧島神宮

最初嘅霧島神宮於六世紀建成,起初依高千穂峰頂而建,但由於該地區經常發生火山爆發,儘管多次重建,神宮亦無法擺脫被燒毀嘅命運,最後遷至現址,現時嘅霧島神宮雖然屢遭變故,但卻知名度不減,尤其聞名為增加愛情運!相傳神宮內售賣嘅愛情紙娃娃可以成為妳愛情路上嘅一盞明燈。呢度亦都係歷史人物坂本龍馬同佢老婆楢崎龍渡蜜月嘅地方,所以神社提供咗夫婦繪馬,等妳同妳嘅伴侶黎到可以一齊寫低願望。

地址:〒899-4201 鹿児島県霧島市霧島田口2608-5

 

據說,旅行是最簡單且最有效果的開運方法,去參訪能夠吸收好氣場嘅能量景點,話唔定會令人生、甚至戀愛運有好大嘅轉變喔!你都快啲嚟參訪小編嚴選呢七大擁有強大戀愛能量嘅能量景點啦!

 

愛・占卜雲集日本多個人氣占卜師,專門為你的戀愛排難解憂,下列火熱占卜一定有款啱你心水!

【問真心】紫月塔羅-你還應該繼續等待嗎?

【婚緣問】Big Day對象大公開

【結緣占】我們會是有緣人?

【復緣占】和舊愛還有機會嗎?

求姻緣?想復合?測未來?更多奇蹟占卜在【這裡