【快刀斬亂麻】超有效6招教單戀的妳不再想他

#不再想他 #單戀 #戀愛

戀愛嘅真諦在於彼此真心相愛,但係人與人之間嘅關係就成日都存有灰色地帶,十有八九都係失望收場,大多數戀愛故事都衰在單方面一廂情願,而另一方就扮演一個渴求「被需要」嘅角色。咁既然雙方都唔係「相愛」,一段冇feedback嘅關係,就好容易無疾而終。究竟點做先好呢?對於呢一啲嘅單戀又應該點樣處理呢?其實單戀者最緊要係睇清楚形勢,及時選擇進退,最起碼錯咗都唔會太難睇。而單戀最耐人尋昧嘅地方「吃不到的葡萄永遠是酸的」,即係妳好想得到,卻偏偏知道自己得唔到,認為自己終會得到嘅好多時都係自欺欺人,既期待又害怕受傷害嘅感覺真係苦中一點甜,但係妳要搞清楚嘅係苦大過甜,定係甜多於苦喇,因為到最後都回歸返去值唔值得呢個問題呀!

>>揭開妳的單戀結局,來!接受現實吧

 

 

#1 請delete哂自己腦入面嘅所有幻想

所謂嘅單戀好多時候只係自己諗太多,有時候女仔發起花癲上黎真係可以以為個男仔簡單借枝筆俾妳就覺得人地有回應妳嘅愛,其實所有野都係妳哋自己憑空想像出黎,人哋嘅舉手之勞,妳就認為人哋別有用心。俗語講得好:「幻想永遠係美好嘅」,因為我哋潛意識淨係諗到啲自己渴求嘅野,而潛移物化下,慢慢就會覺得佢真係鍾意妳,繼而一連串嘅「美好幻想」,咁又冇錯嘅,有邊個唔想所有野都稱心如意吖?但係醒妳一句啦,世界上冇咩幾多野係需要幻想成真架!幻想係冇錯嘅,但係請喺面對對方嘅時候將自己抽離夢境,當妳唔再愈陷愈深嘅時候,妳會發覺原來一切只係一場妳自編自導自演嘅夢!

>>日本皇族御用占卜師給妳最客觀的戀情分析,即睇!

 

 

#2 請更加仔細的了解他

如果妳真心真意鍾意一個人,請好好咁了解一下對方,拒絕一切估估下,因為冇必要!妳花多少少時間、心機去了解一個人,然後令佢都慢慢了解妳,呢個先係墮入愛河嘅正確次序,而唔係淨係識自己同自己嘅小宇宙講野,妳要學識同妳心儀嘅對象傾偈先係皇道!係傾偈嘅過程中,慢慢有意無意咁表達自己對佢嘅感覺,從而認真睇下對方嘅表情同語氣,有冇機會真係一睇就知。如果結果真係不如理想,妳就唔好再呃自己喇!再中個頭埋去都只係「熱臉貼冷屁股」自作自受架咋!

>>拒絕苦戀!給妳一記真實的忠告,不再掉入他的陷阱

 

#3 俾自己適時遠離呢段感情

其實單戀一個人真係毅力同運氣嘅結合,妳要有哂心理準備妳嘅付出係永遠得唔到回應,妳要知道就算妳做嘅野連自己都感動埋但就係感動唔到對方嘅話,仍然係等於失敗。當妳付出好多嘅時候,回頭諗一諗其實係咪應該要企遠少少,俾自己透下氣,唔好再沈醉係單戀嘅幻想喇!其實唔係好難,搵其他野做下,唔好俾自己一路keep住圍繞住對方,抽身出黎,海闊天空啊!

>>別再沈迷於單戀失戀了!預視一下自己的未來吧

 

#4 錫自己多啲

好多時候,單戀係由於自己唔夠愛錫自己,一味淨係諗住點樣收服對方嘅心,點樣可以再係對方心入面佔一席位,咁自己嘅感覺呢?「要識得愛自己,先能夠去愛其他人」呢個道理個個都聽過,但有幾多個做得到?愛自己唔係一個自私嘅表現,係一個人識得點樣對自己好,之後先會識得對自己另一半好,所以唔好咩都以對方為中心,試下放鬆啲,令到自己快樂先可以感染到其他人!

>>這場單戀是完結了?!這裡給妳詳細鑒定

 

#5 以進為退,主動向單戀對象告白

好多人會覺得既然我愛講唔出口,咁起碼我日日去見嗰個人,有少少交集後先繼續第二步啦。冇錯!呢個係一個好方法去處理單戀嘅,因為唔行出第一步,結果永遠唔會變。想要結束單戀嘅關係就係妳要向前邁一步,與其keep住單戀關係唔變,不如主動出擊!搵番個啱嘅timing,搵番個啱嘅場合,好好將自己內心嘅感受講俾對方聽,唔好再喺度猶豫不決,仲要喺度擔心「表白之後連朋友都做唔成」,其實勇敢向前一步啦,無論結果係好係壞,都一定好過妳喺現階段冇進展,唔上唔落咁。

>>向韓式塔羅要指引:可以積極追求他?

 

#6 單身其實沒那麼可怕!

其實單身都可以好美好,唔需要圍住另一個人,又唔需要刻意討好另一個人。喺妳或者佢都未ready好展開一段感情嘅時候,先俾時間自己ready下先囉。冇咩係一定要做或者立刻要做嘅野,現實就係單身唔會死,但單戀一個人就會令自己陷入一個不可挽回嘅局面。與其要自己咁辛苦,不如單身一下,妳能夠有自己嘅時間,唔駛隨傳隨到,又唔駛做所謂嘅「工具人」,To be single is not that scary! 

 

戀愛係一個蜜糖沼澤,好多人踩咗入去就無法自拔,但如果妳已經下定決心要退出呢場戀愛,就唔好因為一時心軟、耳仔軟又再投懷送抱,要知道必須放低左呢個人,妳先會喺不久嘅將來遇到真正愛妳嘅人!

>>即測幾時會遇到Mr. Right?!