單戀總未能開花結果?3大註定失敗的原因

#單戀 #單戀失敗 #戀愛 #暗戀

單戀,好似係所有戀愛類型中最令人覺得苦澀嘅一種,可能係青春時期最勇敢揮灑、義無反顧嘅事喇!而小編好相信單戀唔係剩係得壞處,當妳喺好遠咁見到佢之後心跳開始加速、經過佢側邊覺得好想接近佢多啲、同佢講多兩句都會口窒窒咁;呢一啲箇中嘅甜蜜辛酸又真係唔係其他人可以了解到。

 

好多人都會有一個疑問:「點解我哋只能成為朋友?」、「到底點解都識左咁耐,試探佢嗰陣都係話冇感覺?」

>>他會親口說愛你嗎?即睇!

 

其實呢啲問題真係好難答,就算俾妳問個情聖,佢都未必識答,因為每個人對愛情有唔同嘅睇法。而且單戀係妳永遠控制唔到,妳唔會知佢諗緊咩,妳唔會知佢其實對妳有冇好感,直至其中一方表白或者遠離,呢啲先係單戀嘅最終結局。單戀係會好委屈好難受,因為妳未必得到妳愛嘅人,而機會都係一半一半好似買大細咁,自己掌握唔到命運,只能夠寄望自己做得更好更多,每次都隨傳隨到、喺佢面前妳永遠只識say yes嘅yes girl,妳以為藉此可以打動到對方,但係到最後可能事與願違、兩敗俱傷,傷害到自己又可能搞到同對方冇哂聯絡,所以單戀都有一套單戀人嘅方法,如果妳認為單戀就係毫無自尊同保留,咩都送哂俾人,妳就真係大錯特錯,接落嚟就等小編搵出單戀中最易失敗嘅3個原因話俾妳知,知道原因後,就要避重就輕,學識點樣喺過程中有效咁俾對方知道自己嘅心意!

>>愛情命定之日即將到來了!輸入名字即睇告白日

 

#1 優先考慮佢多過自己

單戀一個人好容易令到對方對妳有所厭倦,如果妳未清楚對方係唔係鍾意妳,請妳先企喺佢立場諗吓,妳所做嘅野係唔係佢想要嘅,又或者可能當妳付出左一切最後佢一啲都唔領情。單戀最重要嘅係,妳要先諗佢,之後先諗自己。單戀其實就係最能夠表達「愛情係盲目」嘅一種感情模式。因為係妳唔清楚佢究竟對妳有冇好感嘅時候,妳只能擺低自己姿態,咁樣先可以有更大機會接近同埋同對方溝通,喺前往愛情嘅道路上先會更加暢順。

>>「戀情100%實現」的真實見証!這裡提示戀情中所有 “DOs” & “DON’Ts”! 

 

#2 過份勉強自己

好多人會為咗鍾意嘅人犧牲好多嘢,為咗對方做盡一切,最後唔理三七二十一為咗對方改變自己大部分嘅生活習慣,又容忍對方對妳所做嘅一切,大家都有一個錯覺認為只要自己百般忍讓同接受,總有一日對方會被妳嘅真心感動到,但係其實呢啲全部都係妳自己心入面嘅假設。妳嘅忍耐同遷就係唔會令感情昇華去另一個階段,相反,妳只會令到對方更加覺得妳可有可無,因為妳冇自己嘅主見,妳冇自己嘅思想。對方想點妳就點,對方要求嘅妳都唔會Say No。但係其實無論係愛情又好,單戀又好,冇自己思想行為係一件非常唔值得被愛嘅一件事。一個連愛自己都做唔到嘅人,又點樣去愛第二個人呢?

 

所以唔理係單戀定係雙戀,過份勉強自己配合其他人係唔會得到好結果嘅!又或者咁講,妳可以為咗對方做好多野,但唔係一昧付出不求收穫,如果對方真係只會喺需要嘅時候搵妳,其實都唔係一個非常好嘅對象啦!

>>他真的值得你為他無條件付出嗎?不為人知的秘密全放送

 

 

#3 太過於主動

妳知道嗎?太過於主動嘅女生,都好有可能追唔到心目中嘅男神呀!男人的DNA中就有狩獵的本性,主動追求女生呢項動作會刻畫喺佢哋記憶深處。如果身邊出現咗一位想愛卻愛不到嘅對象,會令男人忍唔住想要挑戰並征服。而女生太過於主動就會破壞咗男人呢種本能。自己送上門嘅女生,會令男人覺得一切得來全不費功夫,自然對妳都唔會格外用心。

 

請注意:小編並唔係覺得女生主動追求係壞事喔!但請一定要識得把握火候,偶爾俾佢覺得心癢癢其實已經足夠,保持住佢嗰團想征服妳嘅慾望就perfect喇!相段嚟講,如果妳太過於被動,都會令男人覺得無望而放棄,所以喺單戀嘅過程中,「進退有度」先至係有效令男人對妳產生興趣並採取行動嘅致勝關鍵。

>>日式塔羅準測「他想和你拍拖嗎?」即試!

 

妳同佢嘅單戀關係可能只差一個click,只要能夠好好利用妳原本就有嘅觀察與判斷能力,將目光放遠睇,愛情就可以進行得更順利。因為只有當妳能夠放手嘅時候,對方先會想要主動靠近你,反之妳捉得太緊,對方只會想要逃走,知道嗎?

>>預知你的愛情運,早作好戀愛準備!