【妳所不知道的事實】男人突然變「冷淡」的5個真正原因

#冷淡 #分手 #分手先兆 #戀愛 #男人

好多女仔談起戀愛上嚟就會好似燒壞咗個腦咁全情投入,出盡渾身解數只係為咗令感情更長久、愛得更濃烈。但好多時,努力之後得唔到正比嘅收穫,佢漸漸距離妳越嚟越遠,點解男人會喺戀情正係打得火熱嘅時候逐漸變得冷淡,開始對妳不耐煩、不瞅不睬、更甚會嘈交嘈到面臨分手?首先,擺低「佢唔愛妳」、「有第三者」呢啲老土嘅概念,你哋欠缺嘅可能係正確嘅相處方式,試想吓,妳係咪有意無意間令佢感到壓力?佢嘅冷漠,無非係想俾自己透透氣,拉開距離,重新思考你哋嘅關係。

>>確切了解他變冷淡的真正原因!輸入名字即刻知道

 

 

 

#1 妳冇俾佢足夠嘅私人空間

先由生理構造層面理解,男人嘅睪丸激素會促使佢哋做一啲充滿「男人味」嘅嘢,就例如運動、揸下快車、同兄弟飲酒吹水;而同女朋友一齊攬攬錫錫或親密嘅肢體接觸則會分泌雌激素,女人固之然可以得到心靈安慰,但同樣地,過多呢類型嘅接觸擺返落男人嘅構造亦會增加男性體內的雌激素,從而降低睪丸激素濃度,反而令男人感到無限壓力。

 

換句話講,如果妳冇給予男人足夠嘅私人空間,佢哋好多時會因為感到「無自由」或「失自由」而一聲不響咁走咗去,所以妳總需要俾佢過一啲專屬於佢嘅時間,由得佢做喜歡做嘅事,以提升返雄性激素分泌,咁佢嘅心情自然都會轉好。

>>該怎樣做才能迎合他的心意?看這裡!

 

 

#2 妳嘅每日schedule全部都預埋佢

承接上題,男人偶爾都係會希望可以有自己嘅生活,佢哋唔係唔想陪女朋友出席朋友聚會,亦都唔係唔想跟隨妳安排嘅行程陪妳shopping、high tea一整日,但如果妳已經習慣將所有活動都自動預埋佢會去,有時甚至會撞咗佢同自己兄弟相處嘅時間,咁亦都會令佢開始感到有壓力,覺得同妳相處好辛苦好冇自由,因為佢就算想簡單同自己嘅朋友出去都要睇妳面色,久而久之就會想要暫時分開,要知道男友大多數都係以好友為重呀!

 

另外,如果妳放假總係為佢而空下來,而妳又會不斷追問佢嗰日要做啲乜、要去邊度;或者佢所有嘅聚會妳都想做個「跟得夫人」,weekend冇咗佢,妳就邊度都唔想去。

 

Ladies,係時候搵返妳自己嘅生活重心,妳都有妳嘅私人空間,同樣地,男人係好需要自己空間嘅生物,妳就算再表現得幾咁貼心都好,但佢就會覺得妳就好似舊糯米糍咁又黏又膩,廿四小時嘅緊迫盯人只會令佢設法從妳身邊逃得越嚟越遠。

 

 

#3 急住拍拖!急住結婚!急住生仔!

小編明白女人嘅青春同時間係好有限,但有時候關係嘅進展的確需要俾男人一啲時間,如果女人表現得太過積極,總不停問:「我哋係情侶了嗎?」、「我哋幾時結婚?」、「生仔定生女好?」⋯⋯等等令佢喘不過氣嘅問題,即使佢真心想要同妳建立關係,因為妳嘅打爛砂盤問到篤、因為妳嘅窮追猛打,都會令佢想要重新思考而家嘅「妳」係咪真係值得自己放棄自由呢?呢類型嘅擔憂會不斷縈繞喺佢心入面,妳越急切反而令佢越退卻,會讓佢產生先彼此冷靜、好好思考嘅想法。真心愛妳嘅男人,絕對會主動要求同妳更進一步,所以女人們,耐心啲俾多啲時間男人啦!

>>別著急!這裡即將公佈專屬妳的大日子details!

 

 

#4 認為「養家」係男人嘅責任

先撇開妳有冇獨立經濟能力,呢個亦都唔係討論男人女人應該點樣分配花費嘅問題,呢個係一個攸關價值觀嘅差異。首先,「養妳」並唔係妳男朋友奉旨要負嘅責任,如果妳成日將「男生就係負責找數」、「老公負責養家」呢啲觀念講出嚟,無形中會令男人背負相當沉重嘅壓力,畢竟錢賺得多唔多從來都唔由佢控制,長久累積下,男人會驚自己真係養唔起妳,驚自己達唔到妳嘅標準,從而漸漸想疏遠妳。

 

 

#5 對「性」毫無興趣係死症

有啲女人認為真正嘅愛情唔應該同「性」掛鈎,最好做對soul mate,心靈契合先係最重要!但男人同女人本身就有著截然唔同嘅生理結構,連帶思考方法亦都不大相同,所以性關係對男人嚟講,無論喺戀情嘅任何一個階段都非常重要。因此,面對佢哋深愛嘅女人,男人會更懇切地要求完美嘅性愛。唔係叫妳做個慾女,但如果妳對親密接觸表現冷淡、對性更加係毫無熱情,咁佢都有可能因為咁而漸漸對妳失去興趣,變得冷淡,甚至有出軌嘅念頭。畢竟可以將自己嘅身體交俾真心鍾意嘅人係一件幸福而美妙嘅事,唔需要為此而感到羞恥,跨出呢一步更加有機會令你哋嘅關係更穩固。

>>不用害羞!網上鑒定妳的絕密性事,作好最佳準備

 

以前,每日見面都唔捨得放妳走;而家,妳唔叫,佢唔嚟。以前,每晚都可以同妳煲幾個鐘頭電話粥;而家,電話講超過15分鐘已經趕住要收線去打機。以前,回短訊總能神速秒回;而家,睇住雙藍剔後的最後上線時間總叫妳失望。呢一切一切令妳覺得感情已經變咗質,但感情路上,往往都會有一個投入多啲,另一個投入少啲,只要還存在愛,再加多啲理解與耐性,自然會得到一份妳想要嘅完美愛情。

>>為了自己能得到幸福,祈求一下戀愛順利吧~