【女生不知道的】男生12種行為正在暗示:佢鍾意咗妳!

#愛情 #戀愛 #暗戀 #暗示 #男人 #行為 #鍾意

「究竟暗戀中嘅的男生對我有啲咩睇法呢?」陷入男女心理攻防戰嘅妳經常想知道心入面嗰個佢係點諗,解決呢個煩惱嘅方法只有一個,就係要睇透男生表現「對妳都有意思」嘅任何暗示!以下12種從男生角度出發嘅暗示都只為証明:佢已經鍾意咗妳!

>>日式塔羅解構他對妳心動的細微動作,趕快接受他的愛吧!

 

 

#1 不停send message俾妳

當一個人鍾意咗另一個人嘅時候,自不然會心掛掛,想每分每秒都知道妳嘅行蹤、喜好、生活日常大小事等等,所以佢會成日send message俾妳,只係為咗了解妳多啲,想同妳交流多啲、傾多啲偈,等妳都可以了解佢多啲。所以當妳越收得多佢嘅message,就係証明佢已經漸漸鍾意咗妳嘅第一步!  

>>輸入二人姓名,即睇30日後的感情進展

 

 

#2 經常對住妳笑

唔好覺得韓劇情節唔會發生喺妳身上,當妳發現佢經常將目光定點停留喺妳身上超過十秒;同妳獨處嗰陣,佢會靜靜地望住妳,時不時偷笑;四目交投嗰陣,佢完全唔介意俾妳知道,甚至情不自禁地向妳微笑;而好多時佢可能都感覺唔到自己喺度甜笑。妳問佢:「妳究竟笑緊乜?」但佢唔會答到妳,只會一味傻笑。佢眼神裡入面滿滿嘅溫柔,滿滿嘅笑意,都係証明佢鍾意妳嘅證據。 

 

#3 身體語言

不妨可以留意下對方係咪總係想靠近妳多啲,希望藉此可以同妳有多啲互動、交流。如果佢行路嗰陣會稍稍向妳傾斜、傾偈嗰陣會自然咁將身體向住妳、坐低嗰陣會將膊頭轉向妳、妳講野嗰陣時佢會做出專注傾聽嘅動作,或是靠近妳隻耳仔同妳細聲講大聲笑,都表明佢對妳有意思,鍾意同享受同妳相處嘅時間。

>>想要被告白的妳這往這裡看!神準揭示【愛・的・告・白・日】

 

 

#4 肢體接觸

男生都會有想要碰觸心儀女生嘅想法,一啲不經意嘅小動作例如係借啲意「搣」妳面珠登、輕輕掂妳隻手、撞妳膊頭、輕撫妳嘅頭髮等等;或者過馬路會將妳拉返去馬路內側、人迫人嗰陣會輕搭妳膊頭保護妳等等,都可以睇得出佢對妳有意思。

 

#5 捨得為妳花錢花時間

如果佢愛妳愛得好真,會俾妳好多錢等妳生活無憂;如果佢愛妳愛得好深,會俾妳好多時間去証明妳係佢生命嘅全部。一個男人愛一個女人,就算幾忙都會抽時間打電話俾佢話佢知:我掛住妳。喺人群入面會一直注視妳;見面時會認真抱妳。須知道時間比金錢寶貴,如果對方肯花時間花金錢同妳相處,都係佢鍾意妳嘅明顯象徵!

 

#6 說話方式、文筆、舉止同妳越來越似

人會學習模仿鍾意嘅對象,稱之為「鏡面動作」,呢種學習係無意識嘅,自自然然就會學起對方嘅舉止,採取同樣嘅行動。所以當佢嘅言行舉止開始似妳嘅話,就係鍾意妳嘅癥兆喇!

>>恭喜妳找到個跟妳越來越似的他了!下一步即睇➡️妳和他的絕密契合度!

 

 

#7 就算妳提出無理要求,佢都願意乖乖配合

同佢出街嗰陣,試下提出一啲無理嘅小要求啦!就算係由男生先出主意嘅約會計劃,妳都可以試下提議「我有想食嘅嘢」、「我有想去嘅地方」等等一啲原訂計劃入面冇嘅事。由佢嘅應對進退,就可以知道佢對妳嘅認真程度。如果佢願意配合妳無理嘅要求,無疑佢對妳抱有好感。

 

#8 留意妳嘅近況

當佢鍾意妳就會成日留意住妳,現今網絡世代,佢會成日留意妳嘅facebook或者ig,睇到妳可能鍾意嘅嘢會tag妳、同妳分享;或者佢會查探妳嘅行蹤,問妳放假有乜節目,知妳得閒就約妳出去玩!

 

#9 成日讚美妳

俗語有話,情人眼裡出西施,當一個男人眼裡只有妳嗰陣,一定會成日讚美妳,目的只為令妳開心,同時博取妳嘅歡心。當對方讚妳個樣、妝容、髮型或衣著,證明佢十分留意妳;如果對方讚美妳嘅性格、喜好或行為,證明佢在意妳嘅內在美。

>>交往前務必check清楚👉他是妳的真命天子嗎?

 

#10 對妳身邊的男性防禦性很強

男人都是佔有慾強的動物,如果佢鍾意妳,咁喺佢眼中所有喺妳身邊出現嘅男人都係想侵犯妳;可能有日妳衣著稍為涼爽少少,佢都會用大褸將妳包實,為防沿路嘅目光將妳睇蝕哂。sounds like crazy? 但正因為係咁,佢嘅男性荷爾蒙會促使佢想要保護妳、愛錫妳。

與此同時,其實男人同女人一樣需要愛同安全感,唔好低估妳嘅殺傷力,當妳表現得冷漠、笑佢某啲行為,他可能無出聲,但會一世都記住,妳可以輕而易舉咁傷害到佢嘅玻璃心,全因為佢太在乎妳,所以妳一句玩笑都會令佢難過半日。

 

#11 妳會喺佢嘅人生規劃入面擔任女主角

當男生真係愛上妳,佢會允許並帶妳進入佢嘅生活,例如佢會介紹佢嘅屋企人、親戚、朋友、同事俾妳識,並且一啲都唔介意喺佢哋面前表現出同妳親密嘅舉動。除此之外,佢會搏哂命工作,希望喺事業上有一番成就,原因只為俾妳最好嘅一切。

>>OMG! 他想我當上女朋友的角色了嗎?這突如其來的緣份,該如何是好?!

 

#12 錫哂妳

同好多人食飯嗰陣,佢會偷望妳、喺枱底拖住妳隻手;無論係好消息定壞消息,妳都會係第一個同佢分享嘅人;佢可以毫無保留咁接受妳嘅一切,包括妳嘅缺點,唔會強迫妳為佢而改變;兩個人有小拗撬之後,只要佢見到妳唔開心,無論係邊個唔著都好,佢都唔會捨得嬲妳。因為唔想令妳傷心,先至係佢認為真正重要嘅事,其他都唔算得係啲咩。

 

其實真正愛一個人,有好多事都係自然發生、係會情不自禁地進行。佢係咪真心深愛住妳,妳一定可以真切地感受到。

>>經過奇跡の戀成就占加持後,妳將會得到命中注定的良緣一份❤️