失戀必修課:忘記唔到前男友,5個方法幫妳走出困局

#分手 #前度 #前男友 #失戀 #忘記 #愛情 #戀愛

 

喺心理學上有個講法:「養成一個新習慣、接受一個新觀念,需要二十一日。」換句話講,習慣有另一半喺身邊,都可以靠二十一日養成;之但係要忘記呢個習慣,就唔止二十一日咁少喇⋯⋯

人嘅記憶體好奇妙,好難真正「唔記得」一樣野,往往只會係「諗唔起」,更何況係曾經令妳刻骨銘心咁去愛過嘅嗰個人?相信妳都曾經喺情海入面遇到好多常理無從解釋、妳心知肚明行唔通但總會盲中中衝埋去嘅事,連自己都冇辦法控制到。如果妳曾經深愛一個人,妳一定都曾經有過一種感覺就係:就算分開咗,妳點都忘記唔到佢。無論之後妳遇見幾多人都好,喺妳個心入面,總會有把聲音同妳講:「再唔會好似佢一樣。 」

妳有冇過類似嘅經驗?如果分咗手都仲係忘記唔到佢,以下5個小方法話唔定可以幫妳箍煲同佢再續前緣! 

>>超準復緣占卜【排名高踞榜首】分手後能復合嗎?即測

 

#1 繼續掛住佢! 

如果明知自己忘記唔到佢,就唔好勉強自己一定要將佢忘記。就算朋友A同妳講:「多啲同朋友出去hang out啦!」妳都聽唔入耳;朋友B提議妳應該好好大喊一場,但眼淚都已經流乾之後發現佢仍然喺妳個心入面;朋友C就建議用工作麻醉自己,只要保持忙碌就可以將自己抽離,但係妳忙完之後除咗身體攰咗、頸緊膊痛多咗,心還是十分空虛、寂寞、凍。朋友嘅建議對妳黎講毫無建樹,不如轉個方式啦!唔需要呃自己,面對最真實嘅自己,喺掛住佢嘅時候就掛個夠皮、想笑就笑想喊就喊、唔需要將你倆嘅甜蜜時光塵封,反而時不時緬懷一下,順住自己嘅心境過生活,先至係令自己變好嘅第一個基本條件。  

>>分手之後其實佢都好掛住妳⋯⋯即刻睇清佢究竟有冇後悔分手?!

 

#2 唔好即刻同對方聯絡 

就算幾想同佢翻撻都好,都唔好喺分手之後就即刻聯絡對方,此乃大忌!記住你哋只係啱啱由戀人變返做朋友,太急進嘅攻勢都不利你哋兩個嘅關係,等到同對方稍微有啲距離,感情cool down咗之後先再慢慢聯絡返佢,開頭可以用短訊作出簡單而又溫馨嘅問候,千祈唔好太心急,以免對方覺得妳太煩。 

 

#3 暫時向對方嘅social media say NO! 

啱啱分手之後,應該會非常緊張對方嘅近況吧?但係,如果久唔久就去check住對方嘅facebook或者ig嘅話,分分鐘睇到啲唔知好過知嘅news feed,咁反而俾機會自己亂咁諗嘢。如果想知道對方嘅近況,不妨問下二人嘅mutual friends,聽下佢近來過成點,然後再不經意咁話俾朋友知妳對ex仲有留戀,將妳嘅心事講出嚟,多個人分享吓之餘,朋友都可以做妳嘅傳聲筒,總好過妳孤伶伶對住冷冰冰嘅屏幕自說自話啦! 

>>別再將焦點放在前度身上了!自己的人生由自己話事,即測你的未來即將發生甚麼事?!

 

#4 令自己變得更好之後先再同對方見面 

分手之後,妳有冇成長過?當初一定係因為某啲原因先會導致你哋兩個選擇分手呢個地步,試回想一下係唔係當時有感到不滿呢?如果妳仲係喺原地停留而並冇任何進步嘅話,就算你哋再見返,對方都可能對妳唔會再有心動嘅感覺。嘗試冷靜諗下分手嘅原因,搵出癥結所在,搵到自己仲需要改善、成長嘅部分,就努力對症下藥,讓自己變得更加好,要相信令自己變好先可以吸引好姻緣呀!

>>這裡找出當初真正的分手原因,助妳更快復合!

 

#5 節日限定短訊 

臨近對方生日或大時大節,不妨利用呢個大好機會send個短訊俾對方,送上祝福同時亦令佢記起妳。實際上,有好多復合嘅例子都係因為嗰個大時大節嘅短訊而令分咗手嘅情侶重燃愛火。但要注意嘅係,短訊要盡量寫啲對方容易回信嘅內容呀!切忌操之過急,即刻就約見面嘅話,對方一定會唔知點應妳先好。 

 

直到下一次見面之前,妳或者可以⋯ 

為咗復合,妳可以去到幾盡?喺妳同佢暫時保持距離呢段期間,妳必須重新審視、磨練自己,俾佢睇到妳更好嘅一面。然後,等到見面機會來臨嗰陣,千祈唔好心急,就以普通朋友嘅身份同佢相處一下先,然後妳會發現,順其自然所發生嘅事會異常美妙同引人入勝,見多幾次面之後,對方都會重新意識到妳喺佢生命入面嘅重要性。如果妳用心、努力肯為愛搏到盡嘅話,翻撻絕對有可能呀! 

>>請再忍耐一下!距離復合還有●●日!