絕不單身!馬上進入戀愛-ING的6個脫單必殺技!

#單身 #愛情 #戀愛 #脫單

愛情問題中最常遇見就係「友達以上,戀人未滿」嘅狀態,好多時候兩個人真係只差一步就撻著,但差邊步妳又唔知,於是乎就膠著咗喺呢個曖昧模式下,一直發展唔到落去。其實彼此已經心照不宣,咁點解仍然唔能夠 脫單 成為戀人呢?等小編傳授各位6大必殺技,助妳早日有情人終成眷屬!

>>不用等!立即知道專屬於妳的脫單極速攻略

 

#1 牽手係第一步 (肢體接觸)

萬年老橋段,無論係過馬路嗰陣唔覺意拖到對方隻手,抑或睇戲嗰陣唔覺意掂到對方,呢啲有意無意嘅身體接觸都可以話係實食冇痴牙,因為適當嘅身體接觸會俾對方一種「願意俾妳接近」嘅暗示,有時候仲會令彼此臉紅心跳、腎上腺素飆高,呢個時候唔表白,更待何時?有好多人認為青澀嘅牽手比熟悉嘅擁抱嚟得更浪漫,因為第一次嘅肢體接觸總會令人難忘!當然,如果對方踏出咗第一步,女生們就唔好冇反應喇,如果妳都係期待緊下一步嘅發展,就拖實佢隻手啦!

 

#2 朋友起哄

有時候兩人無法成為戀人,係缺少咗一個原動力,所以「朋友」係一個好好嘅助力,前題當然係要搵一啲靠得住而且信得過嘅朋友啦!既然兩個人都發展到「曖昧」階段,絕對唔會因為有朋友起哄或者幫忙而感到過份尷尬。朋友喺側邊幫下手、推一推,要成為戀人真係唔難!當彼此「曖昧」成為左習慣,當局者一定跳脫唔到當中嘅角色,所以朋友適時地拉你哋一把絕對好過你哋兩個繼續估估吓!

>>想知道妳和他的曖昧最後會發展成怎樣的結局嗎?

 

#3 總係要搵個人做主動

無論愛情定友情,想要搏取對方好感行到下一個step,必須有人要做主動嗰個,就算妳同我講話妳唔識點開口,又或者妳話驚開左口做唔到朋友呢啲咁嘅藉口都好啦,我都係只會覺得妳唔夠guts做主動嗰個,咁妳就連得到愛情嘅資格都冇。從古到今,好多時候做主動嘅都係男人,其實而家已經係彩虹旗飄滿地,好多新女性願意為愛踏出第一步,主動表白,咁請問妳仲猶豫啲咩?都係嗰句啦,冇膽打破現有局面嘅妳,唔適合去進入新一段關係,咁就唔好嘥人時間,又嘥自己時間,繼續「曖昧」啦妳!

>>他一早已對妳存有超友誼好感!按這裡詳細閱讀

 

#4 增加兩人獨處機會

好多人為左避免單獨約會嘅尷尬,但又想見到對方嘅時候,成日都會約哂啲親朋好出嚟搞個相見歡聚會,一石二鳥。但其實只要妳敢約佢單獨出黎,而佢又應約,妳都成功左一半㗎喇!好少人會無緣無故願意單獨出嚟見一個冇好感嘅人,所以妳只要敢約,成功就在望啦!兩個人單獨一齊嗰陣,可以自然啲,唔洗咁緊張,慢慢令對方放鬆心情,起碼佢唔會抗拒妳下一次邀約先啦!當再有下一次,你哋兩個成為戀人嘅機會率又會大大提高啦!最重要嘅係兩個人一齊先有機會了解到彼此,先會有機會暗示到對方可以「成為戀人」呀!

#5 開始練習約會

如果兩人都互有好感,卻因為妳唔識點樣同異性相處、互動,生硬嘅行為最終導致無法行埋一齊,咁唔係好可惜咩?任何事情都係「一次生、兩次熟、三次大結局」,由今日開始,開始練習約會吧!多啲俾自己適應同異性相處,等自己更加了解異性嘅思維模式、差異。當妳可以自在咁同佢哋互動嗰陣,愛神就會好快搵上妳喇!

>>打破隱形的屏障,獲得自己想要的愛情!

 

#6 令對方有危機感

最後呢,小編認為呢一個point有啲危險,只係當妳已經諗無可諗,無計可施嘅時候先好用呢一招,千祈唔好一時衝動就不顧後果!危機感適用於男女老幼,例子:當自己嘅玩具被搶走嗰陣,小朋友都識出黎捍衛,因為佢習慣咗嗰個玩具喺佢身邊。

 

當人遇到一直屬於自己嘅嘢忽然間有要離開嘅跡象,人嘅無窮力量(妒忌心)就會爆發出黎,但係我之所以話有危險,係因為冇人可以控制或預計到爆發出黎之後嘅後果,有時候可能會如妳所願,有時候可能係一發不可收拾㗎。咁當然,如果佢咁都真係冇反應,咁真係講都無謂,另尋他歡啦!

>>其實他的心早就被妳偷走了?!紫月塔羅幫妳看清楚

 

 

脫單絕對唔係靠住許願就可以達成。轉角遇到愛可以發生喺現實世界嘅機率實在太低,所以妳絕對要由自身開始改變,掌握以上脫單技巧,愛神丘比特就會冷不防地向你射上愛神之箭,咁好快妳都可以加入穩定交往的脫單行列入面了!

>>神準預測愛的告白日,提前作好準備做他的女友吧!