5招教妳同玩心男say goodbye!

#愛情 #愛情遊戲 #戀愛 #成世人流流長總會遇上幾個人渣 #玩心男 #男人

「玩心男」顧名思義係花拂,追女仔鍾意漁翁撒網,見一個鍾意一個,呢個flirt吓嗰個又flirt吓,完全未定性。但係,正因為咁嘅特質,好多女仔都對佢地嘅花言巧語毫無抵抗能力,自然情不自禁跌落呢啲甜蜜陷阱,令到自己以為身處天堂,其實活喺地獄,結果喺死心同原諒之間無限loop,從來冇諗過返人間,為咗呢一種人傷心難過實在唔值得,好多時候都係自己同自己嘅無謂抗爭,當佢又再一次搵妳嘅時候,又會重燃妳心入面嘅嗰團火。妳對佢係唔係「愛」都唔知,可能只係習慣佢嘅花言巧語、習慣佢偶爾氹下妳、習慣佢「不負責任」嘅態度,但距離「愛」應該仲係好遠⋯⋯

女人就最叻自欺欺人㗎喇,窮盡青春去搵個呃自己嘅又或者去等一個都唔知幾時先識回頭嘅男人(應該話就算佢回頭都唔會見到妳)真係好愚蠢,究竟點樣可以脫離賤男嘅蜘蛛網呢?

>>如何斬斷「無望の戀」?按這裡詳閱

 

 

第一招:狠下心腸揮手說再見

最重要係要有意志同「玩心男」說再見,好多女仔成日同自己講「佢冇下次㗎喇!」、「佢唔係咁嘅⋯」、「佢真係對我好好⋯」,其實呢啲全部都係自己俾自己嘅藉口同幻象,冇一個真心愛妳嘅男人會捨得令妳傷心難過,而且喺呢個世界冇一樣嘢係重要得過自己開心,既然妳明知佢玩弄感情,點解仲要好偉大咁等佢「改過自新」?佢唔會在乎嘅嘢,其實妳都唔應該在乎。

因為唔係真心鍾意,所以「玩心男」根本唔會理會妳嘅喜怒哀樂,與佢無關。妳要記住,一次不忠百次不用!既然係咁,點解要為左呢種男人而崩潰呢?勇敢啲、灑脫啲同佢講聲再見,與其卑微咁等佢回頭,不如自己昂首闊步,活得更加美好,未來一定有更好嘅白馬王子等緊妳!

>>想知道他是否真心愛妳嗎?紫月塔羅立即測

 

 

第二招:唔好覆message

「玩心男」會揀佢得閒嗰陣先會搵妳攝時間,妳係佢第幾個備選都唔知道,但100%肯定嘅係妳一定唔係佢嘅正選。某一日,佢大發慈悲咁sendmessage俾妳,妳唔需要太過開心,因為佢可能咁啱得閒冇事做見到妳個whatsapp,又或者佢只係想搵人排解寂寞,妳千祈唔好放低自尊,又再覆佢嘅message,因為玩心男其中一個強項就係花言巧語非常了得,妳冇信心可以抵擋得住佢溫柔且虛偽嘅攻勢,最好嘅就係delete + block左佢,最好呢一世都唔好再理佢!

>>他忽冷忽熱的態度令妳束手無策嗎?是時候看清楚他的真心!

 

 

第三招:搵啲精神寄託

當「玩心男」成為左妳心入面嗰個人嘅時候,忘記佢最好嘅方法就係搵其他嘢做。無論係去旅行、上興趣班、做運動等等嘅活動都係能夠令妳忘記「佢」最好嘅方法,因為當妳集中意志力去做其他嘢嘅時候,大腦就冇多餘嘅空間再去諗一啲無謂人。花時間去諗啲會傷害自己嘅人,傷身又傷心,不如好好充實一下自己,因為世界仍然很美好,無謂繼續作賤自己呀!其實人往往好鍾意鑽牛角尖,當妳將人生嘅重點轉移一下,其實路仲有好多條,視乎妳點揀㗎啫!

 

第四招:擴展人脈

人與人之間嘅關係非常微妙,當妳唔捨得同「玩心男」say goodbye嘅時候,妳可能已經miss左另一個對妳好嘅Mr. Right。真係唔好為咗一棵樹放棄一整個森林,走出妳嘅comfort zone,用心感受每個人對自己嘅好與壞,有陣時,收穫比自己想像中更多。當妳學識感受人與人彼此嘅交流之後,妳唔會再回頭望一眼,因為「佢」唔值得;當妳學識同更多人接觸、相處之後,妳會知道曾經嘅「玩心男」竟然毫無價值。丫!唔係嘅⋯換個角度講,應該係佢令妳大個咗,成為更成熟嘅女人。人係要愈活愈成熟,妳千祈唔好因為一個「玩心男」愈活愈後退呀!做任何決定前,真係要好好諗清楚,唔好期待一個食開大茶飯嘅倒轉頭係白粥油炸鬼,偶爾試下其他味道的確新奇,但唔係佢長久想食嘅嘢囉!

>>一眼悉穿他的愛情遊戲,擺脫爛桃花!

 

 

第五招:多聽家人朋友意見

雖然人都有自我催眠嘅時候,嗰個時候無論係邊個都唔會嗌得醒妳,因為一個扮瞓嘅人係永遠唔會叫得醒。但係願意去嗌妳嘅人都係唔想見到妳繼續沉淪落去,不得不相信係:「旁觀者清、當局者迷」,局外人睇到嘅往往比妳呢個當局者多,如果佢地唔係關心妳,根本唔需要浪費時間同口水嚟點醒妳,呢個時間就算再聽唔入耳,不妨聽左先囉,大家互相俾下comment冇壞㗎,妳都應該抱住感恩嘅心,佢地嘅說話可能會係妳俾佢hurt完後大喊大叫嘅時候靈光一閃出現喺個腦度,成為妳一盞明燈。忠言逆耳,有啲殘忍嘅說話係難聽啲架喇,但可以令妳抽番個身上黎,都算係美事一椿啦!

學電影話齋:「成世人流流長,總會遇上幾個人渣」。有人話原因係歸究現今社會女多男少,唔少女生都怕成為剩女,為咗搵到對象,會想盡辦法結識異性。但係,各位姊妹請記住「世上渣男何其多」,千祈唔好急於將自己推銷出去,最起碼妳要識得分辦愛情路上邊個先係對妳好嘅人!

>>【只限女生占卜】為免被人遭蹋,踏入戀愛前必先睇清左「佢」!