【女神精讀班】唔好再做呢8個會令男生反感嘅行為!

#反感 #女神 #愛情 #戀愛 #男人 #禁忌

「個個都想做個 女神 bb㗎啦,唔通個個都做到咩?」

 

面對意中人時,女生們都希望自己嘅所作所為就算上唔到女神級,最起碼都可以大方得體,能夠引起「佢」嘅注意,得「佢」歡心,只係有時會不知不覺地做得有啲過咗火位,唔記得咗舒服做自己先至係吸引到對方嘅最佳方式。唔知妳又有冇做過以下8種為咗完美而做過籠、或者係以為能夠引起對方興趣而表現出嚟嘅舉動呢?其實於男性角度而言,以下行為除咗唔會令佢覺得妳特別好,仲分分鐘會帶來反感。與其想得太遠而講咗或做咗一啲完全唔乎合自己性格嘅嘢,倒不如以真面目示人,等佢愛上最真、最自然嘅妳啦!

➡️唔知佢覺得我正唔正呢?唔使開口問,這裡話妳知!

 

 

#1 妝容太重手

「女為悅己者容」,所以女生們同心儀男生外出約會時比平時更認真化妝打扮係十分正常,因為適度嘅化妝會令妳更精神、更可人。不過就係因為化妝可以遮蓋缺點,所以妳會不知不覺用得更多粉底、睫毛膏、眼影、唇彩等等去美化自己,但係一個不覺意就會太重手,而其實男生根本唔識欣賞或甚至乎覺得過濃嘅妝容等如駭人。根據研究顯示,綁個自然嘅馬尾係男生嘅dream girl形象,而接近80%男性都會被女性充滿自然感、健康光澤和稍微有點捲度的頭髮造型所吸引,清純俐落嘅妝感亦遠勝於濃妝艷抹,所以保持自然就ok,妝容或髮型太誇張只會嚇親佢。

 

#2 過度自信

有自信嘅人普遍而言都較具吸引力,不過自信心需拿捏得當,否則自信同自負只差一線。妳當然可以為自己嘅一切感到驕傲、因為自己而感到快樂,但過度強調就好容易造成負面觀感。而好多時過度自戀嘅人都比較難接收到別人發出嘅負面訊息,久而久之就容易造成他人反感,所以切記要拿捏好自信嘅尺度,妳唔使一直強調妳有幾好,因為識得欣賞妳嘅人自然知道。

➡️妳在他心中長怎樣?是過份自信還是恰到好處?即測!

 

 

#3 成日講是非講八卦

女生傾偈嘅話題好多時會夾雜住開心share他人嘅是非、八卦等等,目的可能只係為咗令整段對話變得有趣,但其實只有無自信同對生活感到乏味嘅人先會大肆去講其他人嘅八卦。俾意中人聽到由妳嘅口中講出別人生活上嘅挫折同失敗,除咗會令妳嘅形象扣哂分,如此無自信嘅表現亦會顯出妳嘅幼稚同不安。

 

#4 談論前度

談論前度有幾壞、對妳有幾唔好絕對唔係一個可以同心儀男生開門見山傾嘅話題。妳可能只係想要同對方表達自己已經受夠前度對妳嘅種種,並帶出唔會有任何復合嘅可能性存在,但當妳講出嗰啲負面字眼時,對方就算對妳有心動嘅感覺都會不自覺咁降低,相比起數落前度,不如選擇用讚美黎表達妳對佢嘅感受啦。

 

 

#5 過度依賴對方

愛情可以令妳花好多精神、時間、心機對待,但未至於令心甘情頭一世做愛情保姆。當妳生活上遇到困難,偶爾撒下嬌呻下苦,做男人嘅當然唔會介意借個膊頭俾妳倚靠下,但如果習慣成自然,妳嘅依賴演變成做任何事都唔可以冇咗對方、一味靠哂佢,就會為對方造成壓力,所以千祈唔好俾自己成為過度依賴嘅纏人精

➡️不要掉入纏人精陷阱!解構他的心在想甚麼?

 

#6 過度欲擒故縱

如果妳想要喺心儀男生面前耍心機,可以利用男人好勝嘅心理,欲擒故縱這招會令佢越得唔到就越想要。但有距離感同完全unreachable係有分別嘅,妳可以擺出姿勢令自己睇落去好難親近,咁對於男人而言的確好有挑戰性亦好有吸引力,但如果完全冇俾對方少少機會接近妳,生人勿近咁變相令男方覺得自己只係「兵」一名,自然會對你敬而遠之嘍。

 

 

#7 八面玲瓏

或者妳覺得喺任何場合盡顯面面俱圓嘅一面可以同大家打成一片,亦可以喺異性面前盡顯魅力。但如果遇著心儀男生見到妳逢人都稱兄道弟,十之八九都會對妳耍手擰頭。雖然男性對firlting唔抗拒,但都唔會想未來女朋友嘅候選對象過於瘋狂,所以喺佢面前要記得同其他異性保持適度距離先至係上策。

➡️OMG! 他想將妳私有化嗎?!直接了解他的想法!

 

#8 冇主見

如果妳總係贊同對方講嘅每一句說話而毫無自己嘅意見,亦會容易令對方對妳失去興趣。可能妳只係唔識/唔敢反駁對方嘅說話而選擇盲目附和,但係唔真誠地對待自己同不誠實嘅態度往往會令人難以同妳相處。勇敢表達出自己嘅感受其實唔係一件難事,唯有透過交換彼此內心嘅想法同感受先可以幫助妳更加了解彼此。

 

愛情會令妳嘅生活抹上一道甜、令妳嘅生活變得更加幸福,但係如果妳用錯方法,喺愛情入面委曲求存,就會令人反感,得唔到一段恆久嘅愛。正視自己嘅問題,用適當嘅方法對待愛情,妳先可以收穫到更美滿嘅愛情結局喔!

 

➡️天生沒有愛情命?也許跟八字息息相關!即睇戀愛八字