【求姻緣必去】最強結緣神社「東京大神宮」御守懶人包

#PowerSpot #御守 #愛情 #戀人聖地 #戀愛成就 #東京大神宮 #結緣 #結緣神社

日本嘅旅遊景點五花八門,當中不乏專門為情侶而設「戀人聖地」,呢類型景點都有一個共通點,統統都係同戀愛、幸福、求婚、結緣等有相關概念Power Spot,俾萬千情侶們留下美好回憶。喺云云Love Power Spots之中,小編就嚴選出傳說中對姻緣有求必應嘅最強結緣神社 東京大神宮。據講,嚟過呢度參拜過嘅善男信女都幾乎會傳出蜜運好消息,除咗求姻緣零負皮之外,東京大神宮仲有好多唔同種類嘅御守俾你加持運勢,睇完呢篇,相信你都會搵到最適合自己嘅戀愛御守!

 

P.S. 記得睇到尾,有彩蛋送俾你❤️

 

 

關於東京大神宮

要介紹東京大神宮,就要由三重縣「伊勢神宮」開始講起。伊勢神宮被稱為「日本人嘅心靈故鄉」,係日本人一生一定要參拜一次神宮但江戶時期交通不便以致遠行不易,對平民百姓嚟講,要親身參拜相當困難。有見及此,明治天皇上位後就喺東京日比谷創建一座伊勢神宮遙拜殿,即係東京大神宮前身 ─「日比谷大神宮」,後來因為關東大地震,於昭和3年(1928年)移到現址,當時改稱為「飯田橋大神宮」,於戰後又改名為「東京大神宮」,並沿用至今。

 

東京大神宮主祭神與伊勢神宮一樣,都係祭祀「天照大御神」,佢係日本天皇先祖,喺日本地位十分崇高。外宮的主祭祀神為「豐受大神」,除咗保佑農作物豐收之外,亦係生活不可或缺「食、衣、住」守護神。此外,神宮亦祭祀主司結緣「造化三神」與侍奉天照皇大神的「倭比賣命」。簡單嚟講就係現時喺日劇或電影入面經常出現穿著「白無垢」嘅日本新娘、或於神社舉行「神前結婚式」等儀式喺最初都係於東京大神宮中舉辦,久而久之,呢度就成為咗締結良緣、戀愛成就嘅超靈驗Power Spot!

 

愛・占卜推薦!東京大神宮結緣御守5選

東京大神宮御守係出咗名可愛又多元化,究竟邊款最適合自己呢?現在就嚟做個戀愛小測驗參考一下啦!以下邊種情境最符合你感情狀況呢?

(A)我有一個鍾意人,希望有一日可以同佢拍拖!→ 推薦「戀愛成就結緣札」

(B)我已經有穩定拍拖對象,好想同佢一直喺埋一齊 → 推薦「結緣幸福小槌」

(C)我好希望暗戀對象會鍾意我⋯⋯ → 推薦「戀愛成就幸福鑰匙守」

(D)我希望Mr./Mrs. Right可以快啲出現! → 推薦「結緣鈴蘭守」

 

💕戀愛成就結緣札(結び札 恋愛成就,JPY800)

  

(圖片來源:東京大神宮)

你有鍾意嗎?希望終有一日可以順利談上戀愛嗎?咁祈願木札「戀愛成就結緣札」就好適合你喇!結緣札可以喺中間掰開成兩片,一半寫著「戀愛成就」,另一半則寫著「御守」,許願之後將一片木札寫上自己的名字,奉納於神社中,另一片就可以跟身當護身符!

 

💘結緣幸福小槌(縁結び幸せ小槌,JPY1,000)

(圖片來源:東京大神宮)

日本民間故事「一寸法師」入面,係講述身高只有一寸嘅法師卻充滿勇氣,為咗保護美麗公主而擊退鬼怪。當佢揮舞著鬼怪遺留落嚟嘅小槌,就瞬間變成一般人嘅身高;再繼續揮舞又變出金銀財寶,從此就同公主過幸福嘅日子。而呢個「結緣幸福小槌」御守,就係以此為典故,兩隻小槌凹凸雕刻上「幸」字,可以合埋一齊,你可以同你嘅對象分別配戴一份,象徵幸福圓滿又合拍,戀愛路從此行得順心又順意!

 

❤️戀愛成就幸福鑰匙守(恋愛成就 幸せ鍵守,JPY1,000)

(圖片來源:東京大神宮)

一直處於暗戀狀態嘅你好想「佢」可以回應自己,甚至希望有日個天會跌落嚟一把鎖匙將對方嘅心扉打開,將「我鍾意你」呢份心意傳遞俾對方知道……呢種十月芥菜嘅少女情懷,東京大神宮聽到了~ 喺「戀愛成就幸福鑰匙守」的守護下,祝你同「佢」兩廂情悅嘅一日快啲到!

 

💌結緣鈴蘭守(縁結び鈴蘭守,JPY800)

(圖片來源:東京大神宮)

東京大神宮中最具人氣嘅御守就係呢個!純白小巧嘅鈴蘭花語為「幸福將來拜訪」,實為結緣好幫手!而東京大神宮嘅「結緣鈴蘭守」除咗重現鈴蘭垂掛嘅姿態,兩朵鈴蘭仲用咗特別象徵好意頭嘅繩結綁法「叶結び」(實現結)綁埋一齊!

 

除咗以上4款人氣御守之外,東京大神宮仲有其他御守可供選擇,例如:身體健康守、安產守、交通安全守、除厄開運、學業成就等等,實行對你全方位保佑!但如果你下意識認為日本御守只係傳統樣子,咁就真係「少年,你太年輕了!」貴為創建超過百年嘅超人氣神社,御守款式與時並進,即刻為你介紹:

 

MUST HAVE戀愛好物!手鍊型御守:結緣星守(縁結び 星まもり,JPY1,000)

(圖片來源:東京大神宮)

東京大神宮與首飾品牌「WISH UPON A STAR TWINKLE」跨刀合作,製作咗呢款好似星光不停閃爍嘅鋯石御守 「結緣星守」。御守中會發現鋯石中有兩顆大小星星,小星象徵住而家朝住夢想努力中嘅自己,大星就象徵住與心上人共同實現未來嘅夢想。呢款御守無論係日常佩戴或保佑作用都非常耐看又優雅!

 

【而家就嚟個送好禮預告】今個農曆初春,愛・占卜為一眾會員謀福利!2020年1月1日至31日期間,於愛・占卜全站累積消費滿JPY10,800,就可獲贈東京大神宮空運直送の結緣星守一枚,讓你嘅戀愛運於神宮加持下UP UP UP! *詳情請參閱1月份電子報

 

迎新雙重優惠
立即註冊】加入會員即享折扣JPY500
即刻訂閱電子報】再送JPY200 coupon

2020驚喜新品推薦
問真心】TA值得你無限付出嗎?
卜結論】30日後,我們愛情有進展嗎?
結緣占】你和TA的戀愛鑒定書
求拍拖】伊勢戀愛成就占
求姻緣?想復合?測未來?更多奇蹟占卜在【這裡

 

去東京大神宮參與「祈禱」儀式祈福解厄吧!

除了將戀愛御守帶返屋企之外,去到東京大神宮都可以參與「祈禱」儀式,程序如下:

1. 社殿前將香油錢投入賽錢箱中

2. 進行拜禮(二行禮、二拍手、一行禮)

3. 「祈禱」就會針對合格祈願、良緣祈願或身體健康等願望,可以直接進入社殿中參拜

如果想要參與「祈禱」儀式,要先填寫「祈禱申請書」,交俾神社人員,繳交祈禱費後就可以領取號碼牌,叫到號後再換上「祈禱服」前往等待室,隨後巫女進入社殿中。儀式中會陸續進行「修祓」、「御神樂」、「玉串拜禮」等流程,結束後再於神明面前喝下「御神酒」,整個祈禱儀式就大功告成!祈禱完後,仲可以將東京大神宮原創嘅御神酒、御神水等授予物帶返屋企。

 

東京大神宮其實唔單止保佑戀愛運,真正庇佑嘅其實係人與人之間嘅連繫、緣份。如果希望可以同身邊嘅人相處得更融洽,都可以嚟呢度誠心參拜一下,務求得到上好緣份喔!

 

東京大神宮 實用資訊
地址:東京都千代田区富士見2-4-1
電話:03-3262-3566
營業時間:08:00 – 19:00
官方網站:http://www.tokyodaijingu.or.jp/index.html
交通資訊:JR中央總武線/東京Metro有樂町線、南北線、東西線/都營地下鐵大江戶線「飯田橋」站步行約5分鐘