【男人研究中心】佢真心愛你?9項must-check items!

#單戀 #愛情 #戀愛 #暗戀 #男人 #真心

現今世代女生常常反客為主,採取主動向男生表白已經唔係一件難為情嘅事,假若繼續擺出女皇姿態扮清高嘅話,咁屋企嗰條大灶罅睇嚟係為妳而生呀!但問題就在於「唔知暗戀嗰個男生係點睇自己」,right?果然係「曖昧讓人受盡委屈,找不到相愛的證據,何時該前進,何時該放棄?」喺妳決定主動出擊前,先睇睇佢對妳有冇以下9個好感表現,知己知彼先可以百戰百勝呀!

>>輸入名字,極速準測他是否真心愛妳!

 

 

 

#1 佢眼中只有妳

當鍾意一個人嗰陣,成日望住佢注意住佢係好正常吧?!喺一班人嘅聚會當中,當妳發現佢總係鍾意將目光停留喺妳身上超過十秒,他完全冇避忌咁望住妳,亦完全唔介意俾妳知道,甚至向妳微微笑;或者佢有意無意咁偷望妳,俾妳識穿嗰陣仲會緊張、面紅,尷尬到要轉移視線,都表示佢對妳有興趣!如果妳下次又再發現佢望住妳,不妨回應一個微笑,可能愛神之箭已偷偷射中你哋兩個!

>>他對妳的愛意已高達●●%!click入去睇真啲 

 

#2 身體語言

人與人之間除了verbal language,身體語言(body language)係另一種國藉嘅語言,亦係其中一個重要指標可以表達情感同有效透露出好感度。妳不妨留意下對方係咪總想靠近妳多啲,希望藉此可以同妳有多啲互動、交流。如果佢行路嗰陣會稍稍向妳傾斜、傾偈嗰陣會自然咁將身體向住妳、坐低嗰陣會將膊頭轉向妳、妳講野嗰陣時佢會做出專注傾聽嘅動作,或是靠近妳隻耳仔同妳細聲講大聲笑,都表明佢對妳有意思,鍾意同享受同妳相處嘅時間。

㊙️還不清楚嗎?【這裡】將全部揭示他的身體語言

 

 

#3 肢體接觸

除了身體語言之外,肢體接觸亦可以透露對方有冇想同妳進一步發展嘅意圖。男生都會有想要碰觸心儀女生嘅想法,一啲不經意嘅小動作,例如係借啲意「搣」妳面珠登、輕輕掂妳隻手、撞妳膊頭、輕撫妳嘅頭髮等等;或者過馬路會將妳拉返去馬路內側、人迫人嗰陣會輕搭妳膊頭保護妳等等,都可以睇得出佢對妳有意思。

 

要留意仲未正式拍拖之前,如果有太親密、太過火嘅肢體碰觸如攬腰、擁抱、撫摸妳身體,咁對方都未必係真心鍾意妳,而只係想「搏懵」,記得要喺適當嘅時候大叫唔好呀!

>>口裡說不、身體卻很誠實!看穿他心底對妳的小秘密

 

#4 留意妳嘅近況

當男生鍾意妳,會特別留意妳嘅近況,佢會成日留意妳嘅facebook或者ig,甚至會俾like或留言、睇到妳可能鍾意或感興趣嘅嘢會tag妳、同妳分享;或者佢會查探妳嘅行蹤,問妳放假有乜節目,當知道妳同其他女性朋友出去玩就會鬆口氣,知妳得閒就約妳出去;言談之間對妳嘅近況似乎相當熟悉,適當嘅時候就關心下妳或鼓勵下妳;會打聽關於妳嘅事等等,呢啲都係明顯對妳存有好感嘅表現啊!

>>愛神隨時擦肩而過!要野生捕獲他的心就必須⋯⋯

 

 

#5 說話方式、文筆、舉止同妳越來越似

人會模仿感覺有吸引力嘅同伴,無意識間學起對方嘅舉止,採取同樣嘅行動。喺心理學上稱為同調,如果同討厭嘅人一齊,係絕對唔會發生呢種情形㗎!所以當佢嘅言行舉止開始似妳嘅話,可以話係佢鍾意妳嘅跡象。

>>還在猶豫他是否愛妳?塔羅教妳3個月內成功捕獲他的心 

 

#6 就算妳提出無理要求,佢都願意乖乖配合

同佢出街嗰陣,試下提出一啲無理嘅小要求啦!就算係由男生先出主意嘅約會計劃,妳都可以試下提議「我有想食嘅嘢」、「我有想去嘅地方」等等一啲原訂計劃入面冇嘅事。由佢嘅應對進退,就可以知道佢對妳嘅認真程度。如果佢願意配合妳無理嘅要求,無疑佢對妳抱有好感。不過,如果要求太過火嘅話,佢話唔定會對妳幻滅,所以要拿捏好分寸呀!

💘命定之人冥冥中總有羈絆【按這裡】給妳實現戀情的神準預言

 

#7 送妳返屋企

出完夜街,男生願意送女生返屋企呢個舉動係一個對妳有好感嘅強烈signal!唔理佢係真順路又好,或者係真擔心妳嘅安危都好,呢啲都係佢想要同妳相處耐啲嘅藉口,佢甚至已經鍾意咗你,唔係又點會用雙倍車程嘅時間同車錢喺妳身上呢?

>>是朋友或情人?立即話妳知!

 

#8 願意花時間喺妳身上

時間比金錢寶貴,如果對方願意花時間同妳相處,咁即係對妳有好感嘅明示喇!佢可以係成日send message俾妳、同妳煲超過兩個鐘嘅電話粥、或者主動約妳去街、食飯、睇戲等等,重點係佢好快又會再約妳出嚟,呢啲全部都係佢鍾意妳嘅明顯象徵!

>>準測妳和他的契合度,讓妳戀愛冇煩惱!

 

#9 成日讚美妳

情人眼裡出西施,如果佢鍾意妳,一定會成日讚美妳,目的只為令妳開心,同時博取妳嘅歡心。當對方讚妳個樣、妝容、髮型或衣著,證明佢十分留意妳;如果對方讚美妳嘅性格、喜好或行為,證明佢在意妳嘅內在美,對妳有好感。

>>可以相信他直到永遠嗎?靈繪塔羅將會給妳指引

 

愛情其實係一門相對論嘅學問,妳有幾愛佢、妳會做啲咩去取悅對方,就可以用同等方式對照對方有冇做過,嚟小驗證一下佢有幾愛妳。可能妳會話:「無法用秤去量度愛有幾深!」,但現實係若然佢連丁點都唔願意付出,談何在乎?談何愛?越係唔緊張妳嘅人,就表示對方嘅心思根本冇放喺妳身上,咁妳又係唔係應該先保護好自己、先愛自己,不再專注於愛情上?