LOVE Talk: 5大法則教妳如何攻佔年上熟男的心!

#兩性攻防戰 #年上熟男 #愛情 #戀愛 #男人

眾所周知,紅酒越陳,味道就越香醇,男人亦如是,年紀越大就越有吸引力,係一種經過歲月同經歷洗練之後而累積嘅獨特氣質,俗稱為:男人味。呢種獨特嘅吸引力更係令好多「十月芥菜」迷戀不已, 而現實生活中其實都不乏女性選擇同年上熟男拍拖。

 

 

當聽到同年紀嘅女閨蜜同大過佢十幾年嘅熟男一齊咗,所聽到嘅原因不外乎就係比同年齡嘅男生更加有包容心、安全感,再者,年長嘅男性經濟能力穩定,對未來有明確嘅目標,性格已趨向成熟同穩定,唔再好似廿零歲嘅小男生仲有滿滿嘅玩心,而且大部分男人都有疼愛弱小嘅心理,所以當拍埋年齡差距稍微大啲嘅男伴侶嗰陣,女人會感到好有安全感同被寵愛嘅感受。

 

既然年上熟男優點多多,已有target嘅妳究竟可以點樣令佢對妳心動,就話比妳知5大法則等妳輕鬆攻佔年上熟男嘅心!

➡️輸入名字,極速測算妳和他的戀愛機率

#1 消除年齡差距所造成嘅代溝

當正在同比起自己年輕嘅女生拍拖之前,熟男一開始最care嘅就係彼此年齡間嘅差距。年上熟男一方面會貪戀住另一半嘅年輕,但係又同時為自己嘅年紀而感到自卑。兩個人無論係細個流行嘅歌曲或歌手、甚至到鍾意嘅電視節目、電影都完全係大纜都扯唔埋,因此,有好多年上男都會因此而感到有代溝。

 

所以同年上熟男相處嗰陣,盡量避免傾到會令佢感受到年齡差距嘅話題會比較好,但係如果佢同妳傾佢嗰個年代嘅話題時,為咗能夠順利咁傾落去,建議妳都係事先做定少少research,咁樣佢就會覺得好窩心,亦會產生「呢個女仔好似同我幾好傾」嘅感覺。總之,妳越對熟男世代嘅事物或價觀有興趣,並且表現出願意同佢一齊享受其中,就越容易征服佢哋。

 

💋為了讓他更愛妳,妳該留意哪些事?

#2 讚好他!

任何人都鍾意被稱讚,呢個係一個必然定律,所以「讚好!」對於攻佔熟男係十分重要嘅一環。男性隨著年齡增加,會覺得自己唔再年輕,自信心亦可能日趨低落,但如果由年輕女性嘅口中聽到褒獎,例如:「你好叻!」「點解你咁勁嘅?」「喺你身上,我學到好多野!」呢類型稱讚嘅說話,一定可以提高佢哋嘅自信心。所以就算啱啱開始嗰陣時佢對妳冇乜感覺,但可能途中就係因為妳幾句讚美嘅說話而變成鍾意妳嘅呢個可能性亦會相對地提高。

 

❤️要拉近妳跟他之間的距離,妳需要【按這裡】

#3 呵護佢嘅玻璃心

比起小鮮肉,年上熟男明顯地更博學、更穩重,自不然人生歷練也絕對比妳豐富,但佢一定都會有未曾涉獵過嘅範疇,如果妳無心講出嘅童言童語俾年上熟男聽到而又令到佢覺得到被嘲笑嗰時,佢嘅玻璃心所受嘅傷可能係妳冇辦法想像咁深!

 

為咗避免咁樣嘅事發生,妳必須要尊重佢嘅自尊心。對於他搞錯咗,或者唔識嘅地方,其實如果唔係一啲重要嘅事,無傷大雅嘅情況之下妳只需要輕描淡寫咁帶過就OK,咁先係成熟大人應該有嘅行為。同時,如果對方都同妳一樣「唔識」,咁你哋不妨就趁呢個機會一齊研究,話唔定係一個趕進度嘅良機!

 

👄妳同佢夾唔夾?來自「日本最幸福的占卜師」的雙人契合度全鑒定 

#4 要相信:撒嬌女人最好命

通常男人對於後生女嘅嗲功、撒嬌都冇哂乎,冇一個男人會唔投降。妳只要適度咁表現出依賴或時不時嗲下佢,咁對於攻佔年上男黎講,係非常有力嘅武器,再加上如果妳可以稍為表現出緊張對方嘅身體狀況,並且用「住家飯」融化佢寂寞嘅心,只要做出對佢盡心盡力嘅模樣就真係「冇得輸」!

 

另外,有時顯示出妳自己脆弱嘅部份,透露出「需要佢」嘅感覺會令熟男認為「妳冇左佢唔得」,呢點係好加分㗎!但如果任何事都依賴佢嘅話,漸漸就會令佢敬而遠之,所以要注意適量撒嬌就得喇,唔需要過多。

 

💕妳的撒嬌可能會換來他的告白!【按這裡】詳細剖析

#5 聽聽佢嘅心底話

熟男喺呢個社會上面打滾咗咁多年,必定曾經遇到過好多辛酸事而不足為外人道,平時意氣風發嘅模樣其實都只係佢嘅偽裝嘅面具,當有一日佢願意喺妳面前展現出軟弱嘅一面並向妳講出一切嘅時候,妳只需要做好一個聆聽者嘅角色,好好咁聽佢呻、聽佢講,並且安慰佢,呢種貼心嘅行為一定會深得佢心。

 

💑確定他是妳的真命天子了嗎?即測幾時拉埋天窗!

 

希望以上5大法則能夠令各位姊妹將「大叔」手到拿來!講到尾,都係想妳有段好姻緣,畢竟要喺呢個茫茫人海中尋尋覓覓搵到一個相知相愛嘅對象係一道非常困難嘅人生課題,如果妳有幸搵到,就好好珍惜呀!