【忘記「 ex 」的七大方法】單身的我可以過得很好!

#ex #分手 #愛情 #戀愛 #舊愛

人活到咁上下時間,大大話話都總會有過幾段情史。愛情總叫人最快樂也叫人最心痛,正所謂多情自古空餘恨、此恨綿綿無絕期,你哋嘅情雖然已經逝去,但分手嘅感覺仍然停留喺心入面,就好似會呼吸的痛一樣,揮之不去⋯⋯「 ex 」總係如此的難以忘記?佢係咪仲係浮浮沉沉的在妳心裡?雖然人嘅記憶冇辦法真正咁「唔記得」一樣野,不過以下嘅方法應該可以喺時間裡面施展小小魔法,令妳暫時醒唔起妳個「難以忘懷」。

>> First Thing First Do! 揭露他是否真心愛妳

#1 狠下心block哂對方嘅電話、facebook、ig

儘管決絕地分手之後,男方總會心郁郁想突然搵返妳,可能只係send黎一句無聊訊息問起妳近況、又或是搵妳攝時間,但對於還未忘掉舊情嘅妳黎講真係會五內翻騰。而且而家網絡咁方便,隨手loop下個facebook/ig就可能見到佢嘅最新動態,咁反而會令妳更加掛住佢,想知佢嘅近況、識咗啲咩新朋友之類。所以,為咗杜絕會再諗起佢嘅念頭,亦都為左令對方聯絡唔到妳,妳必須狠下心腸將關於對方嘅所有通訊方法包括電話、訊息、社交媒體統統封鎖再刪除,咁樣就可以徹徹底底令「ex」消失喺妳嘅世界之中,從此樂得清靜。

>> 情場失意 事業得意【寄情工作吧!】

#2 分手後請連同遺物一同斬纜

一段感情燒到盡頭總會留低數唔清嘅遺物,嗰啲前男友送俾妳嘅生日禮物、旅行紀念品、或者係大家曾經共用嘅物品,可能係一對襪、一個打火機、一部相機、一間屋⋯⋯都見証住妳同佢昔日嘅種種,為免睹物思人,呢啲遺物都請妳統統處理咗佢,妳可以將遺物全部送去堆填區、送俾朋友、捐去慈善機構、又或者收埋喺屋企最深嘅一個角落,永久封塵。

>> 斬絕苦戀!真・愛神即將來訪

 #3 一個人去旅行

歌都有得妳唱:「傷心就旅行,盼會遇上安份」!忘記舊男友嘅方法可以係獨自離開傷心地,將悲傷心情沈澱一下,好好咁喺地球嘅另一個地方散下心。遠去他國獨自漫遊係一件瀟灑嘅事,除咗可以沿途見識到世界另一方原來幾咁靚之外,獨遊要應付嘅事項遠超過妳想像中嘅多,當需要解決咁多困難之下,妳個心慢慢都會平靜到,同時都可以令自己明白世界真的這麼大,失戀嘅心傷比較起黎只係一粒微塵。

>> 天使塔羅即測分手後還會再見嗎?

#4 認識其他異性

分手既然已成事實,咁總會有下一個王子光臨妳嘅世界。可能啱啱分手之後,妳暫時經唔起戀愛嘅考驗,妳因為唔想傷心所以再也無法相信愛情,不過如果有異性喺妳嘅空窗期想認識妳,妳可以不妨同佢交個朋友,閒話家常地傾下偈,同佢相處一下,偶然一齊食個飯睇下戲,呢個過程除咗可以keep住妳嘅魅力,仲可能俾妳遇到命中嘅Mr. Right呀!

>> 已有新target!這個能順利戀愛嗎?

#5 不留情面地諗下「ex」對妳有幾衰

情人眼裡總出西施,淋浴於愛河中嘅女人,就算男人如何壞如何賤都會變成心心眼,但請記得:你哋已成過去了。唔好再迷戀前男友,可以試諗下佢嘅缺點、做過嘅壞事情,例如成日花心撩女仔、冇花時間陪妳、講大話、唔守時等等⋯⋯總之唔需要理由地將對方嘅壞處缺點一一列出,咁妳就會慢慢清楚,其實佢一啲都唔值得妳捱更抵夜咁掛住佢。

>> 戀情失敗 ≠ 人生失敗!月老測字找出命定姻緣

#6 暫時唔好聽情歌

音樂總能輕易牽動人心,尤其係嗰啲分手情歌喺平時聽已經覺得酸溜溜,分手之後聽就更覺愁雲慘霧,總係可以輕易會令妳成為悲哀言人,幻化成慘情嘅女主角,所以為免勾起妳嘅愁緒,暫時唔好再聽情歌,否則盞越聽越傷心,從而陷入失戀嘅無底深淵。

>> 愛情號重新出發!需要開運寶典🌸

 

#7 讓時間丟淡一切

如果話失戀係一種毒藥,咁時間就係治癒呢種毒嘅一種慢性解藥。要知道呢個世界上並冇一杯忘情水令妳飲咗就即刻唔記得,但時間正正就可以隨著流逝將妳最苦嘅記憶沖淡,妳亦都會因為時間嘅流逝漸漸睇透嗰個曾經令妳遍體鱗傷嘅佢根本係nothing。

>> 還是喜歡他⋯⋯有機會復合嗎?

分手,只係愛情中一個小小嘅關卡,可能分手帶俾妳嘅痛楚無法令妳一下子復原,冇錯,的確好痛,但life still goes on,換一下角度想「分手」,其實只係妳生命中一段獨一無二嘅小插曲,妳嘅人生唔會因為呢段插曲而蒙污,反而仲會變得更豐富、更加不一樣。