2018下半年 財運 :邊個有財神照住?邊個有貧窮神入宅?

#命宮 #命格 #流年 #紫微 #財運 #運氣 #運程

香港人生活節奏急促,經常會聽到:時間就係金錢!由此可見,時間對於香港人嚟講係幾咁值錢同寶貴!其實,時間值錢與否全在乎你點用,佢可以係你嘅「一秒鐘幾廿萬上落」,亦都可以係對你嚟講只有浪費嘅用處。所謂「火花不等愛人」,2018年眨吓眼就已經過咗一半有多,你嘅寶貴時間到底有冇為你轉化為收益呢?如果仲未有起色,咁就係時候睇睇下半年你有冇發達嘅好運降臨喇!運氣話嚟就嚟,睇清楚2018下半年財運最強氣同最弱氣嘅命格對比,就知道自己有冇貧窮神上身,好作準備啦!

 

注意:本文參考嘅係流年命宮與流年財帛宮,唔知自己嘅流年宮位,請點擊【張盛舒紫微命格大批】進行免費體驗,免費結果頁中將顯示出流年命盤。

 

最強財富運勢命格:

TOP 1:流年命宮–太陰(流年財帛宮–天機)

財星高照

錢糧既豐且足,完全係唔憂柴唔憂米嘅最強狀態!如果財務狀況一向穩建嘅你就會有錦上添花之喜,譬如話會有意外嘅大訂單不請自來、會轉任更高人工嘅工作或者職務;相反,如果財務狀況一向唔穩定嘅就會有雪中送炭嘅際遇,即係喺最窮嘅時候,自然會有天降橫財,一解燃眉之急。

TOP 2:流年命宮–武曲(流年財帛宮–廉貞天相)

愈動愈發

「密食當三番」、「手停口停」係你嘅左右銘,雖然你每日都奔波勞碌,但越忙反而越起勁、越可以為你帶嚟更豐盛嘅收入。努力賺返嚟嘅錢用嚟投資係人之常情,但投資理財需以錢途最佳、投資回報率最高為首要考慮因素,唔好因為要賣人情或被人左右而決定你嘅投資組合,否則只會好容易錯過發達良機。步入下半年之後,你會踏入收穫期,之前努力耕耘會換嚟被人賞識嘅機會,漸漸開始為你帶來可觀嘅利益回報。

TOP 3:流年命宮–廉貞天府(流年財帛宮–紫微)

財源廣進

如果從事銷售行業嘅你,喺2018年下半年,你嘅賺錢企圖心會增強,會因為你天生敏銳嘅市場觸覺、積極敢為嘅態度而創下好業績,從而得到豐厚報酬,與此同時,兼差賺外快嘅機會增加,收入上升。投資方面,不妨著重於物業、股票投資買賣,會容易獲得額外進賬,但係都要注意將資產轉移去唔同嘅地方,以降低錢財損耗嘅機會率。

 

最弱財富運勢命格:

一:流年命宮–空宮(流年財帛宮–空宮)

入不敷支

若然你嘅命宮不幸落入空宮,下半年度經濟情況會相當吃力,你將會喺金錢上入不敷支,例如:投資嗰陣太過急進,只顧一時利潤而判斷失誤,導致損手爛腳。防範之道在於千祈唔好心紅、唔好走捷徑後門,凡事只要腳踏實地,專心一致做好你最耍家嗰瓣,就可以確保傷害性減到最低。

二:流年命宮–太陽(流年財帛宮–巨門)

因財生變

用「大花筒」嚟形容你就真係最好不過,你偏執嘅金錢觀同有幾多就使幾多嘅用錢模式,會令你極速變成月光族。人工月月清之餘,你仲可能會因財失義,講錢就傷感情,導致你同朋友嘅感情受傷害,或者因為錢而引嚟其他惡友損害。

建議減少同親友有金錢往來,並需要切記:千祈唔好借錢去投資!因為你會好容易因為情急而鋌而走險,從此就過著債還債、卡冚卡嘅生活。下半年度裡面可能會有一排窮到褲穿窿,但相信只係資金周轉出現問題,要脫貧,其實只需要你冷靜返,調節返自己用錢嘅速度,應使則使,努力節流,踏實開源,好快就唔使再捱窮㗎喇!

人生入面總會經過無數個高山低谷,俗語都有云:人有三衰六旺。呢一刻處於劣勢嘅你話唔定堅持多陣轉多個彎就遇到好運!睇過上述命格分析之後,你又對自己下半年嘅財運命格有一定程度嘅了解未?其實,係人都想發達㗎啦,但又唔係每個人都可以掌握到錢來了嘅時機喎!唔想財神過門而不入?咁你就要好好瞭解今年嘅發財機會究竟會幾時降臨!不妨睇吓你嘅【紫微財富命盤】,好好捉緊你嘅發達良機,誓要:我要做個有錢人!

 

本文由科技紫微網提供