究竟點樣跨越低處未算低?時運低 生肖 top 6逐個睇!

#生肖 #轉運 #運氣 #運程 #高山低谷

 

有人話:活著就係痛苦!因為人嘅一生總會經過好多個高山低谷,活咗十幾廿年,有邊個冇經過一下大大小小嘅難關?當人生歷練越嚟越豐富,遇到咗黑過墨豆嘅事嗰陣有時都只好怪自己時運低,只不過真心希望自己:「黑埋今次好喇!」都唔好唔信邪,其實黑運係會跟人㗎,即睇究竟12生肖入面邊個先係最強黑氣石?

💀怕自己係地獄黑仔王?用九星命盤睇清你嘅一生!

 

Top 6 生肖鼠:愛人總與你反目成仇

屬鼠嘅你心思慎密、非常emotional,並且對情感嘅需求好高,所以會特別睇重同愛人彼此之間嘅親密關係,盡量做到和諧、融洽。可惜一旦彼此關係發生破裂,更甚走到反目成仇嘅地步,當心中早已幻想好嘅美好水晶球被打破,你就會覺得自己備受傷害,而且需要好大力氣同好長時間先可以由悲傷嘅陰霾中行返出嚟。

所慶幸嘅係,屬鼠嘅你天生堅強,所以總能夠捱過呢個低谷,雖然好難過,但只要你吸大啖氣拍拍心口大步跨就會過到去!你會慢慢明白想要感情和諧,自己應該點樣做先至最能夠實現。當感情問題唔再係問題,其它事都會隨之然好起嚟。

💔每段戀情嘅失敗並唔代表一切!Where is my Mr. Right?

 

Top 5 生肖牛:久居人下

屬牛嘅你天性就係一隻牛,用「刻苦耐勞、勤儉低調」嚟形容你絕不過分!但其實你喺心入面有一個遠大嘅目標、有自己想要做嘅事、有野心、有抱負。如果啱啱出嚟社會工作嘅屬牛人,會因為始終搵唔到晉升嘅途徑而感到十分挫敗。 時間越耐,對屬牛人嘅傷害都會越大,佢哋甚至會嚴重到自我懷疑,漸漸喪失自信心。

不過人生就係咁,只要一直努力落去,咬實牙關好好堅持,屬牛嘅你就可以享受到勝利嘅曙光,帶著千錘百煉過嘅自信心,你嘅事業從此會一帆風順,越做越好!所以感覺到頂唔順嗰陣,就同自己講:再撐多陣啦!

💪我有抱負、有野心,想發圍但又久居人下,咁我會發達嗎?

 

Top 4 生肖虎:被愛人放棄

屬虎嘅你睇落成個cool魔咁,俾人感覺好難親近,對人際關係方面,你無慾無求,但就非常睇重倫理關係,你最唔想令你愛嘅人失望,但一旦對方向你投來失望眼神,你就會尤其難過。如果係另一半、或是係父母直接放棄咗自己,咁簡直會令屬虎人生不如死。

不過擁有強大生命力嘅屬虎者,喺時間嘅治癒下,憑住永不放棄自己嘅信念,最終都會走出呢種困境。只要過咗呢一關,對屬虎者嚟講,即係雨過天晴,從此之後,再大嘅事於佢哋嚟講都係浮雲,冇啲乜嘢係放唔低嘅。之後,你嘅人生亦都將會慢慢轉好,越行越順。

👫被愛人放棄都請妳唔好感到絕望,或者妳應該主動出擊?

 

Top 3 生肖兔:被最親近嘅人傷心

可以為家庭而犧牲自己嘅屬兔人,會將屋企人牢牢放喺心上,所以都對屋企人嘅期望特別高,會希望屋企人可以好好愛自己。萬一屋企人唔可以達到自己嘅期待,或者做咗啲大錯事,咁會好容易傷到屬兔人個心,屬兔人會首先懷疑自己係唔係做錯咗啲乜嘢,先導致到屋企人咁樣傷害自己。

夾雜失望、懷疑同責備嘅屬兔人,要好長一段時間先可以重新行出嚟,但只要慢慢擺脫呢件事所帶嚟嘅陰影,直到屬兔人重新恢復好心情,屬兔人基本上唔會再俾呢類事情打擾,心態好,生活都係越嚟越順。

💑落力為佢好都得不到分數,究竟我喺佢心入面重唔重要?

 

Top 2 生肖龍:由人生嘅高處跌落

睇重名利嘅屬龍人,非常在意自己頭上嘅光環,佢哋唔可以容忍自己失去眼前嘅光鮮。佢哋一直想成為聚光燈下嘅焦點,辛辛苦苦超越眾人,有一日終成為中心人物,但如果就咁跌落嚟,轉眼間成為別人眼中嘅同情,甚至落井下石嘅對象,屬龍人會非常難以承受。 如果可以跨過去呢個難過,屬龍人一定可以重頭再來,再創自己人生嘅輝煌。所以,無論幾難捱都好,屬龍人都係要堅持下去,等待重新起飛嗰一日!

 

Top 1 生肖蛇:遭到別人無情嘅否定

屬蛇人有著強烈嘅自尊心,佢哋唔怕競爭、唔怕被打壓,但就係怕被人否定!於佢哋而言,否定唔只係對佢哋過去努力嘅不認可,仲係對佢哋個人人性嘅泯滅!如果係喺大庭廣眾之下,被人無情嘅否定,於屬蛇人嘅角度嚟講,呢個簡直係重擊呀!咁樣會令屬蛇人消沉好長一段時間,而且心入面嘅陰影仲好難去除。

不過有賴於屬蛇人強烈嘅報復心,佢哋最終都係可以靠著爭返一啖氣,邁過呢個打擊,繼續人生嘅下一段旅程。當自尊心被打碎又再以更強壯嘅方式出現,就唔會再有啲咩事可以再難倒屬蛇人。

💡有明燈指示你的黑仔人生!十年大運由此看~

 

本文由科技紫微網提供