苦苦堅持經已沒意思:如何逃離「 毒性關係 」?

#單戀 #性愛 #愛情 #戀愛 #毒性關係 #第三者 #苦戀

近幾年喺網路世界入面新衍伸出好多感情上嘅專有名詞,其中一個就係毒性關係(Toxic Relationship),並榮登2017年全球於Google熱搜嘅10大感情問題嘅其中之一,可見毒性關係折磨得千千萬萬於情海浮沈嘅苦主幾咁淒涼。話說回頭,究竟何謂毒性關係呢?根據Google官方解釋,喺感情世界入面所有糟糕嘅關係都稱為毒性關係,例如一個人苦苦支撐一段感情、單戀、伴侶彼此間缺乏原諒與信任、過度將愛情理想化、用謊言建立起嘅愛情等等,以上種種一切都有一個共通點,就係會令妳受傷並逐漸迷失自我。而家就一齊睇吓生活中既典型毒性關係,又睇吓妳有冇中招?!

💀毒性關係=苦戀!斬斷苦戀最佳法門在這裡!

 

 

典型毒性關係情境1:意中人已經有心儀對象或女朋友

愛情就係uncontrollable,鍾意左個已經有女朋友嘅男人絕對唔係世界末日但首先,妳要問自己:「呢個男人係唔係真係值得妳要做小三?」不妨同對方以普通朋友形式相處多啲,傾多啲偈,逐步聽佢講多啲關於佢自己內心嘅事俾妳知,例如:佢同女朋友嘅感情事。Keep住問同聽,可以增進妳對佢嘅了解,又可以對佢保持興趣。當真正了解之後妳先會知道呢個男人係唔係妳鍾意嘅類型,千祈唔好俾自己有機會成為小三,咁樣絕對危害健康。

愛情本身就唔係一條直線嘅道路,喺呢條路上,妳會有傷心嘅時刻、流咗好多眼淚,尤其愛上一個難以抽身嘅錯誤對象,當中產生嘅曖昧令妳以為愛情丘比特已經揀中咗你兩個,但一時嘅迷上唔等如愛,再加上,如果要破壞他人幸福先至換取到嘅愛情,妳肯定妳想要?

⚠️一段三角關係中,究竟佢最後會選擇我嗎?

 

 

典型毒性關係情境2:一直膠著於單戀狀態

要逃離單戀呢段毒性關係,只需要雙方相戀就可以,但妳就係怕咗主動尋求答案,因為失敗咗會傷心、會難過、仲可能同佢連朋友都冇得做,但妳有冇諗過?如果冇嘗試就停留原地,妳又點知條情路究竟長成甚麼樣子?有可能呢條係沿途風光明媚嘅愛情路呀!妳仲年輕,愛錯都冇乜大不了,但如果冇曾經勇敢付出過,就點都唔會知邊類型嘅愛情最適合妳。相信妳都明白,愛情唔會憑空來臨,唯有放手一搏,妳都會擁有屬於妳命中注定嘅愛情。

💕放手一搏前,睇清佢個心諗乜,咁就唔怕出師不利啦~

 

 

典型毒性關係情境3:以肉體換取愛

現今世代嘅速食愛情漸漸已經成為社會主流愛情觀,合則來不合則去,好多時為咗得到愛情,不論男或女都會以三分鐘熱度迅速發展至「發生親密關係」嘅階段,甚至有啲人會以肉體換取愛情,追求「啱feel」一刻就可以。或者妳會話:「愛情就係發生得咁突然,令妳根本冇時間去思考。」但妳又有冇諗過妳嘅肉體係咪真係可以換到天長地久嘅愛?

不妨於認定一個可以戀愛嘅對象之後,嘗試一下將發生關係嘅時間往後延,直到確定兩人步入穩定狀態之後,妳先將身體交俾佢。而且快熟時代下萌生嘅肉慾愛情並唔健康,當妳被慾望同眼前嘅浪漫一刻沖昏頭嘅時候,妳唔單止會睇唔清楚自己究竟要啲乜、就連對方究竟係咪鍾意妳,妳都唔明白。而愛情唔係一場買賣,更加唔應該視作為交易,用肉體換返黎嘅愛情,不長久,亦都不值得。

💋佢副body屬於我,咁佢個心呢?或者只有日本塔羅牌先可以為妳解答!

 

 

每一段「毒性關係」都係一個經歷,唯有經歷過,先知更加明白愛情係怎樣的一回事;唯有經歷過,先至更加容易得到愛神眷顧。種種經歷都會成為妳嘅情史上重要嘅養分,願意喺一段令妳受盡折磨、遍體鱗傷嘅毒性關係裡中放手,或者唔係一種失去,而係一種重生同解脫。