見人講人話,見唔同星座應該講咩話?

#擦鞋 #星座 #職場 #讚美 #鍾意

個個都話唔鍾意擦鞋,唔通個個都唔擦鞋咩?但人在職場,身不由己,擦少少都在所難免。咁12星座又應該點擦至啱?等小編教精你,免得一陣擦錯鞋就尷尬。

 

白羊座

想擦白羊座鞋,就唔好吝嗇你嘅讚美,最好係滔滔不絕咁湧出嚟。白羊座最鍾意俾人讚,即使假到好似霞姨咁,都聽得津津有味!所以奉承佢哋最簡單,將你聽過嘅所有讚美說話講一次,包保白羊座俾你氹到暈得一陣陣!

 

 金牛座

金牛大人嘅鞋唔易擦,你喺佢面前講,佢哋唔會信。畢竟,行走江湖咁多年,一眼就睇穿你講真定講假啦!但若然剛好你喺人哋面前讚佢,又咁啱得咁橋俾金牛大人聽到,咁又唔同講法。你明的……(奸笑)

 

 雙子座

想奉承雙子座都要識得搵重點。換句話說,明明係人哋嘅弱點,你就夾硬話係優點,咁又太假。你只能夠放大佢哋某些唔太明顯嘅專長,咁樣佢哋先會相信你係「發自內心」咁讚佢,而唔係「虛情假意」嘅欣賞。

 

巨蟹座

要擦巨蟹座鞋,一定要注意尺度,唔好太浮誇。一誇咗,佢哋一聽就會覺得你好假。但若然尺度適中的話,反而覺得你個人觀人於微,即刻加分。所以千祈唔好係又擦,唔係又擦,呢個星座最大特點就係太了解自己。

 

獅子座

擦獅子座實在太簡單喇!這個天生自我中心嘅星座,最鍾意就係俾人讚、俾人當神咁拜。讚佢哋嘅同時,乘機表達下你對佢哋嘅欽羨愛慕之情,就如同那滔滔江水一樣無法停息,從此你嘅事,就係佢哋獅子大人嘅事喇!

 

處女座

要讚處女座,請你一定要注意細節,整理好思維邏輯先好開口。而且要避免太刻意提起,兼且要小心說話前後矛盾,如果唔係,一旦被處女咁敏感嘅邏輯細胞捉到你,你嘅所有誇獎說話,佢哋就只會當係笑話聽完就算。

 

 天秤座

如果要奉承天秤座,千祈唔好憑空捏造事實,要講就講真說話。呢點好重要,千萬一定要記住!否則你會被天秤座劃入虛偽人群範圍,而佢哋從此永遠都會對你為人有保留。

 

天蠍座

天蠍座隻鞋又係唔易擦,但係搵啱切入點就會變得好簡單。記住:唔好擺到咁明,要用暗示。例如,當佢哋提出嚟嘅意見無人支持、沒人附和嘅時候,機會嚟喇,飛雲!你第一個企出來,行動證明一切,擦鞋自然得米。

 

人馬座

要擦人馬座鞋唔算難,你講咩都好,只要語氣中稍微帶少少崇拜嘅氣息,隻人馬就自然將你嘅說話當成讚美!就算邏輯有無矛盾,人馬其實唔係好care,而且健忘嘅人馬聽完都唔會記得。

 

山羊座

要奉承山羊座嘅時候,差不多就夠喇,唔好越講越誇張,咁會好容易失真。點到即止,令山羊有種意猶未盡嘅感覺就最好。佢哋會唔好意思繼續追問你,而喺佢哋嘅潛意識裏面,其實佢已經俾你讚到飄飄然。

 

水瓶座

拍水瓶座馬屁唔難,只要秉承以下原則就得喇。佢哋話乜都啱、佢哋做咩都啱、佢哋嘅行為堪稱典範、佢哋嘅行為舉止直頭係眾人榜樣、你傾盡畢生時間都想模仿佢哋,不過都仲係望塵莫令你好絕望,唉……只要你語言天賦不錯,吹出個長篇小說嚟讚佢哋,佢哋都一定會受。

 

雙魚座

讚美雙魚要搵一個另類切入點,平時多觀察多注意其他人點讚雙魚,然後你要避開嗰啲讚美嘅角度,要從另外嘅方面去切入。咁樣,聽厭咗其他誇獎嘅雙魚座,一聽到你嘅新觀點之後,內心馬上升起,嘩!簡直係眾多鞋擦中嘅一股清泉啊!

 

 

本文由科技紫微網提供