改善陋習更快樂!12星座最需要戒甩嘅 壞習慣

#內心 #壞習慣 #性格 #愛管閒事 #星座 #習慣

有時候,開唔開心其實係一種選擇,而阻礙你開心嘅,十居其九都係自己平時嘅一啲習慣。小編就帶大家一齊嚟睇下,12星座嘅你到底戒甩邊啲習慣可以令你活得更快樂。

🌸改咗壞習慣係咪真係會行桃花運呢?

白羊座:戒甩愛發脾氣嘅習慣

白羊座脾氣暴躁,一言不合就好易動怒,傷身嘅同時,又傷心。其實白羊完全可以試下喺嬲到即將要爆嘅時候深呼吸,停一停、諗一諗,嬲完又唔會嬴,拗贏又唔會有獎。冷靜十秒,最起碼盡量保持快樂嘅心情!

 

金牛座:戒甩精打細算嘅習慣

一提到金牛,個腦就自動聯想到「金錢」呢兩個字。太過精打細算嘅金牛座,其實都幾攰。如果可以有時唔好太計較物品嘅價錢,唔好為咗買最平嘅嘢而周圍價格、貨比三家的話,自然就會更開心啦。

 

雙子座:戒甩傷春悲秋嘅習慣

多愁善感嘅感性,成為咗令雙子座快樂得唔夠徹底嘅原因之一。見到諸如花開花落之類嘅事,都要傷春悲秋一輪,當然離快樂好遠啦。試下從樂觀豁達嘅角度去諗問題,豁然開朗嘅同時,都會更快樂!

 

巨蟹座:戒甩勞碌操心嘅習慣

巨蟹座可能天生勞碌命,顧家嘅佢哋無論任何時候都硬係鍾意顧呢樣、操勞嗰樣,內心好難先會得到真正平靜。不妨試下諗諗,有時候操勞得太多可能都無法改變結局、反而傷咗自己,咁嘅話,倒不如學識瀟灑一啲?

 

獅子座:戒甩爭強好勝嘅習慣

獅子座嘅雄心壯志基本上眾所周知,呢個爭強好勝嘅星座,硬係特別計較輸贏名次之類嘅嘢。其實呢啲都係虛幻嘢,只有當獅子真正諗通到底身體同虛榮,邊樣更值錢時,先會慢慢去改善呢個剝奪咗自己快樂甚至係健康嘅壞習慣。

 

處女座:戒甩完美主義嘅習慣

完美主義係處女座嘅優點,但有時都係缺點。過度精益求精的話,做人都做得唔夠隨心、唔夠快樂,咩事都想要做到最好,有時候甚至忽略咗自己嘅能力範圍、一味追求成功同卓越,會唔會俾自己嘅壓力太大呢?

 

天秤座:戒甩口不擇言嘅習慣

郁啲就口沒遮攔,好多說話變成尖銳匕首刺傷身邊人嘅同時,其實天秤可能都唔好受,所以口不擇言嘅習慣係時候改一改喇。有時候同朋友之間嘅關係鬧僵咗,對邊個都無好處,和平相處,小心講嘢會更加好。

 

天蠍座:戒甩敏感多疑嘅習慣

天蠍座係個唔講得笑嘅星座,成日都太認真。對佢哋嚟講,人哋一句無心嘅玩笑,佢哋都會聽到有嘲諷嘅意味,咁敏感嘅內心,自然唔會開心。有時候都要學會幽默同得過且過,學識將人哋口中唔夠尊敬嘅話左耳入右耳出。

 

人馬座:戒甩為情所困嘅習慣

唔好睇人馬座傻下傻下、成日笑,其實佢哋反而係喺感情世界入面,最經常憂愁嘅星座!為情所困嘅佢哋,一旦陷入情網,就會愛得又深又認真。將感情睇得太重,就好容易喺失去嘅時候遲遲走不出陰影。天大地大,天涯何處無芳草,何苦呢?

 

山羊座:戒甩工作為重嘅習慣

工作達人山羊大人,可以為咗工作不眠不休都無所謂!雖然話喺職場要打拼,有時都應該俾自己放鬆下,正所謂吊頸都要抖下氣,唔休息點樣行更遠嘅路?學習下喺工作之餘都享受下生活嘅點滴,就可以獲得更多快樂作為回報。

 

水瓶座:戒甩愛管閒事嘅習慣

水瓶有時候都真係幾多管閒事,需要路見不平拔刀相助嘅時候就一定有佢份。但係怕就怕做咗自以為正確嘅事情,當事人卻唔領情,日常生活瑣事就最消耗人體力與精力,有時間過好自己嘅日子,何苦令自己滿臉愁雲呢?

 

雙魚座:戒甩討好別人嘅習慣

雙魚座對邊個都可以保持禮貌有分寸嘅樣,就算係對住自己唔喜歡嘅人,都要夾硬擠出笑臉,四處討好其他人,最怕俾人話自己唔夠大方得體。咁樣攰唔攰,雙魚自己心裏有數。如果有時候可以放底自己內心嘅包袱,應該友善就友善,應該反面就反面,咁樣嘅人生才叫淋漓盡致呢!

💏【戒哂壞習慣之後,我同佢又有冇可能呢?】

 

本文由科技紫微網提供