【日式御夫攻略】單憑 錫錫 就知道對方有幾認真!?

#愛情 #戀愛 #親吻 #認真度

親吻係交換DNA嘅行為,所以對住鍾意嘅人,會好想同佢哋瘋狂交換DNA。如果,佢係認真嘅,喺佢錫你嘅時候,會想將你據為己有,想一直同你喺埋一齊。所以每一次嘅親吻都會又長又甜,而且不斷重複,直情想一手將你擁入懷中。如果你想知道你嘅另一半,對你係咪認真,咁就請你認真咁回憶一下你哋嘅親吻,從以下3個細節判斷啦!

💋來証實一下他親吻認真程度與你在他心中排位的關係吧!

細節1. 錫完會覺得怕醜

錫完之後,佢應該會稍微感到怕醜,會不自覺咁擔心你享唔享受剛才嘅激情,甚至多少會感到緊張。雖然都會有部份男仔會表現出相當強硬嘅態度,好似少女漫畫中嘅霸氣男主角咁主動。但喺現實嘅狀況中,呢種充滿自信嘅親吻,有可能代表佢對呢段感情並唔係非常認真,因為就算被對方拒絕佢都覺得無所謂,先會咁鎮定。

 

細節2. 借醉錫你代表唔認真?!

即使佢正處於失去理性同埋受酒精影響嘅狀態下錫你,都可以有好多可能性,唔代表佢只係純粹飲大咗,而對你完全無興趣。若然你好想知道對方其實係點諗,你就要仔細注意對方嘅言行,一定要見微先可以知著。就等小編帶你去推測下佢嘅內心世界啦!

① 佢都對你心動,但係平時太過怕醜而唔敢行動,所以想借醉踏出第一步。

呢個可能性對於喺單戀中嘅人嚟講,相信係一個令人開心嘅好消息!但都容易令你產生「唔通無飲醉就唔會踏出第一步咩?」嘅小埋怨。喂!咁男人都會怕醜㗎嘛!可能佢同你一樣,默默咁單戀咗你好耐,又唔敢埋你身,怕困擾到你,但係又唔願意離你太遠,令你忽視佢嘅存在。所以唯有趁兩杯到肚,先鼓起勇氣向你表白。

 

② 佢發現咗你暗戀佢,喺飲醉嘅時候想要乘機抽你水。

呢種人通常好攻心計,對於警戒心強嘅女仔,或者係唔確定對方對自己係咪有好感嘅女仔,就算飲醉咗,佢都唔會落手。但係請你注意!佢借醉鍚你,表示佢已經知道咗你鍾意佢,但未必佢對你係真心真意,所以你要多多提防啊!

 

③ 唔理好醜,最緊要就手。

呢種係一種趁自己醉醉地,就乘機食女嘅食家本能。只要對方係女人,佢就會本能地想錫埋佢。咁樣嘅人,基本上係異性都食得落,特別係喺人多嘅聚會中,佢嘅親吻並唔代表真正對對方有意思,所以建議你到時避之則吉,唔好蝕底俾佢!

喺呢度,小編要提醒你:如果你嘅單戀對象喺飲醉時錫你,你好難從中睇得出佢對你係唔係真心,即使你當下追問佢對你嘅諗法,可能都只會得到曖昧嘅答案。

🙅🏻絕對唔要蝕底比佢!一眼看穿他的愛情遊戲吧!

 

細節3. 瞓覺嘅時候被偷偷錫咗一啖,係唔係認真呢?

瞓覺嘅時候?咁即係話你喺同單戀對象一齊之前,已經俾佢見到你瞓覺個樣子,或者係發生咗肉體嘅關係。對女仔嚟講,單戀對象咁樣做,你當然會感到開心。但係,呢啲時候就更加需要好好地揣測下對方究竟諗緊乜!小編覺得可能會有以下嘅可能性。

 

① 佢對你付出咗真心

喺上床之後再付出真心嘅男性係存在嘅,佢哋通常會喺發生關係之後先發現原來自己愛上咗你,然後趁你瞓著嘅時候錫你。如果只係諗住玩玩下嘅男人,其實喺已經同你發生咗關係之後,根本就無必要做埋晒呢啲無意義嘅小動作。

 

② 嗰刻覺得你好可愛,情不自禁咁錫你一啖

男人會將心力集中喺一件事物上面,而佢好可能覺得喺佢眼前嘅你,瞓著覺個樣好可愛,因此情不自禁咁錫咗你臉頰或者額頭一啖。喺呢度,小編要好強調一個重點:「佢只係喺嗰刻有咁嘅諗法」「佢只係喺嗰刻有咁嘅諗法」「佢只係喺嗰刻有咁嘅諗法」好重要所以要講三次。換句話說,呢一吻可能只係一時嘅衝動。想試探佢的話,認真觀察嘅對方喺同你講拜拜時對你有冇表現得好溫柔;佢係咪就算唔同你發生關係都可以同你正常約會;又或者當你問到你哋兩個人嘅關係時,佢有無誠實回答你,之類嘅行為。

 

以上就係通過錫錫以判斷佢係咪真心嘅3個小細節。根據小編多年「慘痛」嘅經驗:多數情況下,真正對你認真嘅男人,喺兩個人發生關係之前會先釐清彼此嘅關係,基本上會喺一齊咗之後先會發生關係。遵守順序嘅人都會遵守基本嘅社會道德禮儀,亦都代表佢係追求安定嘅男人啊!

㊙️單憑親吻鑒定真愛不能?試吓網友熱愛的靈魂索視,睇清楚佢係咪真心愛你!