【小編熱推】6套推薦俾 單戀 苦命人嘅電影

#單戀 #愛情

遲遲無法脫離單戀狀況,鍾意嘅人對自己沒有興趣,就算主動追求對方都無動於衷,呢個時候就會感到特別痛苦,仲要攪到晚晚瞓唔著又無晒胃口……呢啲係單戀中或多或少都會有嘅心情,你係唔係有時都會想忘記晒所有嘢呢?

另外,單戀嘅時候都會出現對自己失去自信嘅情況,咁係因為對方唔接受自己,令你懷疑自己係唔係缺乏魅力。當你想要忘記呢種辛苦嘅時候,就會出現負面嘅心情。

如果呢種令你太痛,令你想要暫時忘記對方,等陷入黑暗深淵嘅自己可能重新得到光明時,或者試下一個人獨處睇下戲,會係一個唔錯嘅選擇。就等「身經百戰」嘅小編(嗚嗚……)為同病相憐嘅你推薦6套最適合單戀苦命人,獨自療傷時睇嘅戲啦。

👉【睇戲之前,不妨抽一抽塔羅牌,睇清楚佢心入面有冇你】

 

1. 藍莓之夜

無論係單戀抑或情侶,都有夾或者唔夾嘅時候,就算喺拍緊拖,都有可能發現原來大家根本唔了解對方。呢套電影嘅主角一直等待著喜歡嘅人,卻得唔到佢想要嘅完美結局。另外,主角喺尋找自我嘅旅程中,遇到了好多令佢人生成長嘅人,令佢學識忘記過去,重新審視自我嘅人生。呢套係一套可以一個人慢慢睇嘅戲,可以幫助你暫時忘記佢嘅事喔!

 

2. 小三大聯盟

呢套戲講述一個慣性拈花惹草嘅男主角,俾女人報復嘅故事。班女人發現個男主角有外遇之後,憤怒嘅心情不斷高漲。電影中亦都有描述三位女主角之間微妙嘅關係,當陷入痛苦時,總係有姊妹喺身邊陪伴住。對於喺同佢喺呢段關係中不斷糾纏而感到疲憊嘅你,呢套電影或許會成為你內心嘅寄託,令你忘卻想念佢嘅痛苦。比起男人,友情更加珍貴。呢套係一套可以帶俾你歡樂嘅電影。

💕不想當小三但又好喜歡他,可以告訴我,他會選我嗎?💕

 

3. 非常完美

小編連續揀咗三套向男人報復嘅電影,嘻嘻。不過呢個係亞洲版。如果喺你嘅單戀中,對方擁有一個又索又靚嘅女朋友,又或者你嘅情敵係一個性格好差嘅女仔,睇完呢套戲之後你就會覺得好爽。睇完呢套戲之後,可能會令你重新反思而家單戀嘅困境,令你好想擺脫對方嘅玩弄,做返自己,投入新嘅戀情,唔再同面前呢個人糾纏。呢套係一套能可以幫助你忘記佢,令自己更積極面對人生嘅電影喔!

 

4. 親愛的,原來是你

「明明彼此最親近,卻偏偏互相錯過嘅兩個人」呢套電影正正就係呢一對情人嘅戀愛物語。單戀令人痛苦;令人不知所措;令人好想努力忘記呢段咁辛苦嘅回憶。但係人生嘅嘢,變幻才是永恆,你永遠唔會道幾時會發生乜嘢轉變。面對呢份感情,你應該放棄,定係應該繼續堅持愛下去呢?或許呢套戲可以幫你暫時忘記單戀時嘅迷茫,鼓勵你搵返自己嘅人生!

😟只想有人可以話我知:佢係咪真心愛我⋯⋯

5. 秒速5厘米

無論係1厘米抑或係5厘米,喺單戀時所感覺到嘅距離感,想要傳遞卻無法到達嘅感覺,喺呢套電影入面,全部都好真實咁演繹於你面前。呢套係賣座動畫《你的名字》,新海誠導演之前嘅作品,有好多人覺得呢套甚至超越你的名字,或許呢套戲好適合正在單戀中嘅你。小編將呢套電影推薦俾想要停下腳步,回顧自己單戀嘅心路歷程,然後諗起無法忘懷嘅嘅畫面,需要大哭一場嘅你。睇完之後,可能會激起你「唔好令自己後悔」嘅諗法都未定!

 

6. 有人喜歡藍

呢套電影描述嘅係婚後感情漸漸變淡嘅夫妻。雖然係一套心情複雜而且悲傷嘅電影,但或許會令處於單戀中嘅你有新嘅領悟。無論幾完美嘅戀愛或者婚姻,都會有失去希望嘅一日……雖然呢套係一套會令你心情低落嘅電影。但係,喺喊飽之後亦可以稍為舒解你嘅屈結,幫助你暫時忘記單戀嘅痛苦。另外,睇完之後你會有新嘅領悟,會覺得自己單戀嘅痛其實都無乜咁大不了,從而心靈得到療癒。

喺單戀嘅路途上,佢嘅身影喺腦中揮之不去,令你時常流眼淚,而且心緒不寧,但你要記住,呢尐絕對唔係你嘅問題。經歷過呢尐難忘嘅苦難先可以令你變得更加堅強,你嘅成長,會令你有機會遇到新嘅戀情,最終幫助你忘記單戀嘅苦痛,加油哦!

🎶 輸在情路起跑線!我要同單戀痴戀苦戀say goodbye