【愛上 人夫 嘅戀愛分析】意中人原來係人夫,點算?

#婚姻 #已婚對象 #愛情

單戀嘅感情係自由,而且不受控制嘅。緣分有時嚟得好莫名其妙,無論對方係咪單身都好,都會無法控制自己而動咗真情。單戀嘅人,總期待得到對方愛嘅回應,但應該唔會有人希望就此走上坎坷嘅荊棘之路,留下痛苦嘅回憶。所以,妳更加需要睇清楚,唔好喺單戀嘅過程中愛上唔應該愛上嘅人——例如:人夫⋯⋯

💗憑直覺抽出的塔羅牌會告訴你:他最後會選擇誰?

 

唔知道對方已婚而愛上佢

大部分嘅人對於隱藏自己已有家室嘅男人都無乜好感,一旦碰到都會避之則吉。不過喺感情路上,並非所有女性都可以一句「好啊,再見!」就乾脆瀟灑咁華麗轉身,有一啲女仔偏偏做唔到慧劍斬情絲。剛開始時唔知道對方已婚,而知情後都無法下定決心分手嘅女性通常都係優柔寡斷,或者覺得受騙而覺得好唔甘心。但無論係邊一種,咁樣一直拖落去,其實帶俾女方嘅傷害非常大。

呢個世界上有種男人,好鍾意用花言巧語兼獻殷勤嚟迷惑女人,等女人身陷其中之後才坦白,其實自己已經有家室。當然仲有啲以僥倖心理發展外遇嘅男人,以為唔會俾人發展自己嘅婚姻狀況。但係當女人開始覺得呢個曖昧男「好似有啲奇怪」,再本住女性嘅直覺查探,其實最終都會穿煲。咁樣嘅男人不僅對你唔住,亦都對佢嘅太太唔住。呢類男人唔會在乎其他人嘅感覺,會傷害周圍嘅人,屬於不羈浪子嘅類型。

搞完一壇大龍鳳,如果呢個男人有考慮同佢太太離婚而同你一齊,咁都算喇。但係真係會跟老婆離婚嘅外遇人夫,通常都真係「已經分居」,或「短時間就會作出行動」,如果過咗好多年都無動靜,表示佢根本唔想改變現狀,亦根本無想要離婚嘅念頭。

好多女人甚至唔小心有咗對方嘅BB,而最後必須落咗個BB。即使呢個係自己嘅選擇,但係內心多少會感到落寞同傷心。如果真係想結婚生仔,應該要去認識其他單身嘅男人,參加聚會等,增加認識異性嘅機會。唔好將自己嘅選擇局限喺一個男人上。

可能妳會好自責,點解會俾已婚嘅人欺騙,又會諗點解偏偏係自己上當,這段時間到底自己算係咩?但其實無論對方係已婚定係單身,一段戀情總係會有順利或唔順利嘅時期,唔需要太過於懊悔。只需要將呢次嘅挫折當成自己一段寶貴嘅經驗,提醒自己今後嘅要擘大眼睇清楚先係最重要嘅。

 

即使知道對方已婚都仍然愛上佢

明知對方已婚嘅身分,卻仍然執著愛上對方嘅女性可能反而係最能夠切割感情嘅人。無論對方有沒有結婚,自己都「鍾意佢」,呢種女人係會以優先考慮自己嘅心情而採取行動嘅類型。

以自己嘅感受為優先嘅女性通常會將「我想結婚」同「就算對方唔離婚都仍然想一齊」呢兩件事明確分開,而且唔會感情用事。通常咁樣嘅一段感情結束後,好快就會同某個單身嘅男人結婚,或與其他人拍拖,而唔會有因為不倫戀而感覺到有壓力。不過,呢種女性之前嘅男朋友大概有六成以上都係人夫,同人夫分開之後,新嘅目標都係人夫嘅可能性會比較高。

但係比起唔知道男朋友原來係人夫嘅女性,呢類女性反而更能成功逼退正宮。因為佢並唔依存於對方,而且手段高明,認為對方雖然唔錯,但係同時覺得自己就算無咗個男人都唔會有咩損失,所以更大機會反而令人夫想追返佢轉頭。

㊙️只係,你又有冇諗過人夫心目中,你究竟排第幾位呢?

 

唔好用強硬嘅手段搶人哋老公為上策

同人夫拍拖,或許會有好多類似「我們嘅關係幾時先可能見光? 」嘅妄想。但如果你只係有勇無謀,好似開住部推土機喺森林中橫衝直撞咁想要搶人哋老公,你將會俾周圍嘅人帶嚟數不盡嘅麻煩,亦都會傷害到好多你意想唔到嘅人。如果對方有子女,仲會傷埋小朋友嘅心,所以都係勸你唔好太強勢。喺娛樂圈都有好多用策略搶人老公嘅例子,但最終修成正果嘅人,多數都唔係用虎視眈眈嘅方法強奪。

如果由愛上人哋老公嗰日開始就沉溺於自憐自艾,成日諗住「踏上呢條不歸路嘅我真係可憐!」的話,你會好難脫離呢個悲劇黑洞喔!另外,因為你醉心於飾演悲慘女主角嘅世界中,有時會忽略咗對方嘅感受,令到你嘅情路愈行愈難行。所以你應該時刻保持冷靜,嘗試以局外人嘅角度審視自己嘅所作所為,咁樣先唔會令你最終失去理智,做埋晒啲難以收拾嘅瘋狂事。

 

全世界六十幾億人,你總有機會遇到一兩個情場上嘅「鬼見仇」。遇到並唔可怕,唔好自怨自艾,迅速設法脫離身陷嘅泥潭先至係上上策。小編喺呢度默默祝福大家戀愛美滿幸福。

💌【那麼,最後獨佔他的人,會是你嗎?】