【講下就算VS仲想再見】當男人講「 再聯絡 」,呢句話到底有咩意思呢?

#備胎 #再聯絡 #愛情 #暗戀 #男人

同男人一齊出街,無論玩得盡唔盡興,最後總有機會聽到個男人同妳講「再聯絡!」。就係呢一句「再聯絡」害咗幾多少女晚晚攬住個著電話癡癡咁等待,等到連眼圈黑到熊貓咁,最終卻失望收場。咦?讀到呢度,妳係唔係都好有同感呢?其實男人講嘅「再聯絡」到底係咩意思呢?佢哋點解咁鍾意講呢句說話呢?就等小編依照唔同嘅狀況,嚟幫妳一齊分析啦!

💑渣男出沒注意!靈力分析他的愛情遊戲,提防中招!

 

1. 暗戀嘅對象口中講嘅「我哋再聯絡」所包含嘅意思

從暗戀嘅男人口中講嘅「搵日去吃飯啦!咁,我哋再聯絡!」呢種情形下大多數女人都會癡心地期待下一次嘅見面。但係拋下呢句「我哋再聯絡!」之後,真係再同妳聯絡嘅男人幾乎係零。咁,男人點解要講埋晒尐「我哋再聯絡啦!」呢種好似真係會再聯絡嘅說話呢?

原因① 只不過係客氣說話,完全無深意嘅「再聯絡」

唔好FF喇,呢句只不係代替「再見」,係無任何深層嘅意義。

妳本身係咪都會同朋友道別時講「咁我哋再聯絡啦。」 結果過咗半年都無見過面?同樣嘅情形,妳暗戀嘅男人都無特別意識到呢句話嘅意思,「咁再聯絡喇。」其實只係呢種場合上使用嘅應酬說話。

原因② 都有可能只係當妳係後備

暗戀嘅對象所講嘅「再聯絡。」好可能只係一種曖昧招數,只係想當妳係後備。 如果我係妳嘅朋友,我完全唔會贊成妳繼續同呢種心機好重嘅男人真係聯絡。會講「再聯絡」呢種話嘅男人,就係知道呢句話會令妳心甘情願等佢先講嘅。「再聯絡」呢句話本身意思係「同妳無乜可能。」或者「妳雖然唔錯,但唔會同妳一齊。」,但係又唔想妳就咁就離開自己,因此用呢句含糊不清嘅說話拖住妳。

另外,要判斷呢個人係咪真係企圖將妳收編做女兵,先同妳講「再聯絡」,只要細心觀察佢就可以略知一二。 譬如,佢係咪會在同妳食飯時表示「我一陣就走。」,但係又留到最後唔肯走。不過,短時間內就改變主意嘅人,同時都係容易改變心意、頭腦敏捷、仲係相當健忘嘅人呢,就要視乎佢嘅性格,細心觀察先可以歸納出佢係邊一類型嘅人。無論係哪一種,只要妳感覺到佢有將妳當做後備嘅傾向,就唔需要再無謂地為佢難過,更唔需要期望佢嗰句「再聯絡」喇。

❤️是否真心鍾意你?你需要一目了然的方法看穿他的心!

 

2. 我仲好想同呢位同我講「再聯絡」嘅男人再見面,到底應該點做?

方法① 當場決定下一次見面嘅時間

真係想同對方去吃飯或出街嘅話,最好喺「再聯絡」之後即刻回答「我之後邊日同邊日OK,不如就約嗰日,好唔好?」。小編認為呢個係一個非常唔錯嘅方法。一來,唔駛自己返屋企之後苦等對方聯絡,擔心對方係唔係發生交通意外定係被人綁架去非洲;二來,可以試下佢對自己到底係客氣還係真心期待再次見面。如果佢唔係真心嘅,中過妳一次伏,下次就唔敢再輕易將「再聯絡」掛喺口邊啦。嘿嘿……

方法② 選擇主動聯絡

對方講咗「再聯絡」後音信全無,當妳想見佢嘅心無法壓抑時,倒不如試下放下妳嘅矜持,主動聯絡對方。但係,要至少隔一個月先再聯絡會好啲。因為如果對方真係因為工作繁忙而無時間見妳嘅話,咁一個月之後呢個狀況總會有改善到嘅。

不過記得!千祈唔好講「之前唔係話要聯絡我咩!」呢種咁沉重嘅說話,因為呢個人都仲未係妳嘅男朋友哦。順便提提妳,當佢再次講「好啊,咁我再聯絡妳啦」嘅時候,其實就係「唔想見面」,咁妳就無必要再等落去喇。

🎯主動出擊就有機會?紫月塔羅教你3個月獨佔他的心!

 

當然,如果佢確實記得自己講過嘅「再聯絡」,並且真係有再進一步約你出去時,就表示佢為人誠實或者佢真係想同妳再見面,可以話係佢對妳有好感嘅徵兆哦。

點呢?小編嘅精彩解說係咪令妳有種大徹大悟嘅感覺呢?「再聯絡」隨住當下對方嘅心境,時間嘅轉變會有好多變化,解讀起嚟係有一定困難嘅,請妳一定要保持冷靜、客觀嘅心,先可以出最正確嘅判斷。

🙅🏻還是無法判斷他的「再聯絡」?讓塔羅幫幫你吧