【相睇必備寶典】 初次約會 /相睇時唔好太興奮反而會順利啲!?

#婚姻 #婚活必備 #療癒系 #體貼

好多人都曾經聽講過,喺 初次約會 時投其所好,講些對方喜歡嘅話題,多啲表示對對方有興趣,會比較容易打開話題。但係實際上試過咁樣嘅方法之後,又唔見得好work⋯⋯應該都有唔少女士都曾經試過咁樣嘅經驗,其實如果要對方對你有興趣,先決條件係你必須要係對方喜歡嘅類型,如果唔係嘅話,再研究呢啲技巧都係枉然。另外最重要嘅係,彼此嘅感覺。女人嘅協調性、柔軟性係好高嘅。有時候展現一個唔同嘅你,嚟挑戰下自己或許都係一個唔錯嘅方法。

💕Love at first sight?! 幫你透視一下二人的宿世緣份

 

可能,你試過好努力咁嘗試附和對方嘅發言,不停讚嘆對方「好厲害喔!」甚至驚呼大叫。但其實你唔駛咁刻意表現出好感,建議你下次去相睇時,試下用下列嘅方式同對方溝通吧。

 

1. 試下用可愛嘅,治癒系嘅聲調嚟同對方講嘢

與其用充滿力量嘅、有節奏嘅語調講嘢,我哋建議你試下用溫柔嘅語氣並且放慢速度同對方溝通。可以耐唔耐點下頭,耐唔耐對佢微笑下,適當就夠,亦唔需要太刻意。因為通常單拖赴會嘅男仔都會有少少怕醜。如果女仔太主動或係氣場太強勁的話,佢會唔知道要搵咩話題講。雖然怕醜但仍然想結婚嘅人,會希望另一半係自己能夠掌控嘅類型。唔駛太特別或者係太強勢(以佢嘅標準而言)會比較適合佢。

因此,相於於用好興奮嘅態度去同對方相處,並且係咁問佢嘅私人嘢,倒不如當自己係叮噹入面個靜兒,一個溫柔體貼嘅女仔,先會吸引男仔嘅目光,令佢不由自主咁對你產生興趣喔。

話題嘅內容其實都係其次,因為初次見面時,雙方都好緊張,好可能講咗咩第二日都唔會記得。不過如果你有一啲好特別嘅興趣或嗜好嘅話,都建議你一開始就同對方表明,咁樣佢或許會對你有唔錯嘅印象。內容雖然都重要,但係建議你著重喺說話時嘅聲調上。太鏗鏘有力嘅聲音,或者係聽起嚟太嚴厲嘅語調,都有可能令對方感到壓力。這點小編係唔推薦嘅。

👉👈落力為佢好,唔知喺佢心中得到幾多分數呢?

 

2. 保持體貼嘅態度

無論你對相睇對象有冇興趣,或者對佢嘅外貌滿唔滿意都好,總之而家坐喺你面前嘅就係一個無惡意嘅、善意嘅男性。假若你對對方一開始興趣不大,喺相睇過程中,可能你會不由自主地只注意到對方嘅缺點。咁請你用對待一般朋友嘅態度對待佢,咁樣佢都會表現得比較自然。成熟嘅男士會覺得呢個女仔好文靜、好溫柔、好體貼⋯⋯就會有想再約見面嘅想法,就算你對對方無意思,起碼你都留咗個好印象俾人。

寫到呢度,可能有好多人會覺得,呢個唔係真實嘅我,我真係做得到咩?但係相睇嘅情況係,希望仲可以有下次繼續互相了解嘅機會。所以喺第一次見面時稍微修飾一下,都無可厚非嘅。一開始嘅頭一兩個鐘,可能你哋會因為緊張而無乜嘢講,所以無法深入了解對方嘅真面目,因此我哋建議大家儘量令彼此有第二次見面嘅機會。

另外,好重要嘅係:如果今天你嘅目的係結婚,咁最重要嘅就係令對方都覺得你係適合結婚嘅對象。見多幾次就有更多相處嘅機會,漸漸就可以知道對方係唔係可以接受真正嘅你嘅人囉。

🎎【以結婚為終結目標!命定真心不怕鑒定】