【千祈唔好錯過呢7個訊號】如何判斷 小鮮肉 對我有興趣?

#心意 #愛情 #暗戀 #暗示

認識咗比自己後生嘅男仔,甚至有少少鍾意咗對方時,缺乏相關經驗嘅女仔會覺得「我同佢應該唔會有機會嘛?」抱持著希望但係又唔確定,係多數女性嘅心聲。如果只係兩三歲嘅差別,好有可能成熟度其實相差唔遠,更唔會有任何由代溝而產生嘅違和感。即使係年齡差咗10歲都好,都有好多人生經驗以及外表上可以互補得到嘅地方。一樣米養百樣人,年齡嘅差距,對每一對曖昧中嘅對象,其實造成嘅影響係可大可小嘅。

咁就等我哋嚟探討一下年紀比自己細嘅男性對你有興趣時嘅跡象吧。

💑查看跡象之前,先來算算我們是否命定中的戀人?

 

1. 超直接嘅邀約(直接出擊)!

偏好比自己年紀大女仔嘅男仔,通常會覺得年紀小或者同年齡嘅女仔,淨係識飲飲食食同陪笑,傾落一啲內涵都無,完全唔係佢哋杯茶。

因為佢哋對自己好有自信,所以邀約年紀比自己大嘅女性時,會好直接地發出「行喇!我哋去吃飯!」「我仲想再見到你。」等等嘅邀約。其中有啲再積極啲嘅強勢弟弟,仲會即刻決定埋時間地點添。

呢種行為會發生喺年輕男子身上,有可能係一時血氣方剛,亦有可能係因為佢唔識人情世故。相比起嗰班因為擔心對方平時太忙,因此而錯過咗邀約嘅好時機嘅懶好人紳士比起來,多數年輕男仔嘅確係行動派。

💡行動派vs行動派!用塔羅測出妳的真命天子

 

2. 常常同你WhatsApp

無咩特別事也要send一個「早晨」「我而家做緊乜乜乜⋯⋯」等等類似報告行踪嘅WhatsApp過嚟,呢啲就非常似係當一個年輕男仔要親近一個女仔嘅行為喇。你可能會覺得呢種行為應該同男仔嘅年齡無關掛?咁講都唔係唔啱,但係年輕男仔仲有另一個特性,就係佢會好似女仔寫日記一樣,每天都send message。明明無約到大家,或係有咩緊要事,但係佢都會花時間精力同你喺WhatsApp上講一啲噓寒問暖嘅說話,又或者係自己嘅興趣,甚至係佢喜歡嘅出去玩嘅地方。如果發現有呢個情形嘅話,咁即係呢位小男生對你有意思喇。

💞佢對我有意思,我又鍾意佢,咁我同佢嘅戀情唔知道100日後會變成點呢?

 

3. 嘗試幫助你

當你遇到困難時,例如最簡單嘅例子:拎重嘢,通常男仔都會伸出援手。但係當個男仔比你後生,又處處表現出想要喺多方面協助你嘅情形時,就表示佢想接近你多啲、對你有特殊嘅情愫。另外搵機會送你返屋企,又或係同你講想盡自己嘅力量幫助你等等嘅說話,都係有曖昧嘅跡象喔。

但都有機會呢啲只係佢喺屋企養成嘅習慣。例如有家姐嘅男仔,又或係同媽媽感情好好嘅獨生子,因為喺屋企習慣咗同女性相處,所以都會將呢種習慣帶到出家庭之外。呢個就同曖昧或係戀愛無關。所以判斷時,要留意下會唔會都有呢個可能性。

 

4. 刻意對有年齡差距嘅姊弟戀表示贊同

「我唔介意對方嘅年紀」「年齡嘅差距唔係問題」等等,呢尐都係對於姊弟戀120分贊成嘅言論。如果佢喺你面前成日會發表呢類偉論的話,就表示佢對你係暗自有情愫嘅。

 

5. 對你講一啲聽起嚟野心勃勃嘅說話

當佢哋想要喺姐姐級人馬面前幫自己加分時,大部分嘅人係無法用收入或係事業成就來墊高自己嘅。因此,年紀輕嘅男性內心中為咗要對抗呢個咁唔平衡嘅實力,就會用充滿爆發力嘅言語來彌補。希望姐姐們覺得即使佢年紀小,都仍然係一個可以依靠嘅對象。

㊙️極準確!測出妳和他的宿世情緣

 

6. 搵機會等你詢問佢嘅意見

當佢對你有意思時,就會成日同你講「你做咩啊?」「有咩事可以同我講。」等等,呢類想要你依賴佢嘅話語。佢知道自己後生過你,所以呢類想將佢自己盡量推銷俾你嘅心理,就好容易喺佢哋行為上表現出嚟。

 

7. 不知不覺地就出現喺你附近

當你嘅呢位年輕對象係公司同事嘅時候,佢可能會配合你嘅lunch hour,公司聚餐嘅時候坐喺你旁邊,又或係陪你一起返屋企等等,好似生活中無意間都會好容易見到佢。咁係因為佢覺得喺你身邊好安心,亦都想同你多啲時間喺埋一起。咁好明顯係鍾意你嘅表現。但有時候都可能只係單單因為你係一個好體貼嘅人,而佢又有啲細膽,既然你對佢又咁好,佢覺得何不繼續黐住你,而佢都會覺得有安全感。當情況比較難判斷嘅時候,不妨先觀察下一啲客觀條件,例如你同佢嘅年齡實際差距等等,先再判斷。

後生仔會想展現自己就年少有活力又清新嘅賣點,因為呢個本來就係一個明顯嘅事實,所以就不如將呢點變成自己嘅強項。呢種行為對於相對成熟嘅姐姐嚟講,其實好容易觀察得到,可以話係最明顯能夠睇得出佢嘅對你嘅態度之一。

💗日本塔羅雙重鑒定他的行為,找出妳的命中註定!