【Love Alert】妳到底屬於「 後備 」定「正印」?

#後備 #愛情 #愛情遊戲 #戀愛 #正印

好多女仔占卜愛情時都好鍾意問同一個問題:我係咪俾人當係後備呢?相信正在閱讀本文嘅妳喺愛情路上亦都多多少少有類似嘅擔心同困擾吧。一段從身體開始嘅關係,好難唔令你擔心對方係咪同時都有同其佢女仔約會。咁樣嘅心理狀態唔但令你難以安心,亦非常唔健康。或許你一開始就對唔應該愛嘅人付出咗感情。咁嘅情況,除咗用占卜嘅方式,仲有什麼方法可以分辨嗰班喺愛情中會將後備同真愛分開嘅男人呢?

🎯好想取代那個她進駐佢個心入面,佢最後會選擇我嗎?

 

1. 因為生得醜、生得矮而自卑,所以要靠公司名聲與職業增加自信嘅男人。

可能有啲人天生生得唔係好起眼,又有啲人天生唔算好高大,仲有啲人可能比較好肉地。但係世界上又存在一類人,佢哋擁有以上外型得嚟,又可以好型,而呢類就係我哋要討論嘅類型喇。你一定會疑惑,咁樣嘅外型,又點可能會有魅力呢?但係通常會分開後備功能跟真愛功能嘅男人,外型好多時真係符合以上條件。佢哋唔靠外表,但通常會靠自己喺事業上嘅成就,任職公司嘅名聲,嚟膨脹自己。俾人一種,唔知道喺邊度嚟、好似謎一樣嘅自信。而呢種自信會轉化為一種魅力。

唔駛占卜都知道,呢種男人通常都係愛情嘅狩獵者。一旦自己追求嘅女生愛上自己,就會開始厭倦,對佢失去興趣。同時都會將對方嘅存在當成單純嘅後備。只有千辛萬苦追返嚟嘅「好女仔」,佢哋先會認為係真愛。太快發生肉體關係嘅話,係唔可能成為佢哋嘅真愛。

反而經常被大家讚「哇!好高大靚仔喔!」,成日吸引大家回頭偷望嘅男神,其實當中都有唔少係願意認真經營感情。點解呢?因為佢唔需要任何努力就可以得到很多女性嘅關注,自然都唔會花太多心思喺追女仔身上啦。

 

2. 對性無乜節操嘅男人係咪對真愛同後備都一視同仁呢?

世界上仍然有唔會特別將後備女同真愛女分開嘅男人。就係可以隨便同女人發生關係嘅男人。如果你對於性嘅需求比較高嘅話,搵呢種男人,你就可以享受無壓力、無後顧之憂嘅肉體關係喇。

點解呢?因為基本上佢哋係好需要愛情嘅。如果覺得對方會愛佢,佢哋就會有一定程度嘅付出。即使唔係自己喜歡嘅類型,佢都會為咗博得愛情而對對方態度唔錯。基本上,佢哋對女生都係好體貼嘅。亦都因為咁,佢哋先咁受女人歡迎。亦都會令佢哋容易陷入愛上好愛自己嘅女人,卻又迅速厭倦嘅惡性循環。

就好似剛剛所提到嘅一樣,正因為佢哋如此搶手,所以唔會想花太多力氣去追逐或者經營一段愛情,更加唔會執著於同一個人。與其話後備同真愛對佢哋嚟講無分別,倒不如話呢個世界對於佢嚟講,只有自己同其他人嘅區分。對於其佢人嘅事情,佢哋基本上都係漠不關心嘅。所以,佢哋理所當然地唔會花費任何力氣去分辦真愛同玩具。而你亦根本無必要煩惱自己係佢嘅真愛定係後備。

⚠️究竟妳係唔係第16號愛人?立即揭曉➡️

 

3. 大多數男人唔會特登搵個女人返嚟只係為咗做後備

大多數男人喺誠實嘅基礎上,唔會特意去製造一個只係為咗方便嘅後備。真愛亦只會有一個。如果你正煩惱到瞓唔著覺,擔心自己係咪只係對方嘅後備,不過我咁講啦:世上大多數嘅男人,根本唔會為咗方便而刻意製造後備。

「後備女?咩嘢㗎?根本就浪費時間啦!如果真係鍾意對方嘅話,一個就夠啦。如果真係鍾意咗第二個,分咗手再開始過新嘅一段感情囉。唔需要咁麻煩,仲分後備同真愛下嘛?再講,我根本都唔係受歡迎到有咁多選擇啦。」咁先係一般男人嘅意見。

 

問題嘅發生,通常雙方都有原因。如果係你唔用腦亂咁揀對象嘅話,真係應該好好反省自己一下先。不過,若果係無意間成為咗某君嘅後備,亦都唔需要太自責,咁都唔完全係你一個人嘅錯。請謹記:咁樣嘅男人就算條件再好,人渣就係人渣。呢次嘅經驗就係你以後談正常戀愛時嘅借鏡喔~

🙅🏻不甘心自己成為了「16號愛人」?測出你的情花能否結果?