【顏色決定一切】神準!從鍾意嘅顏色窺探意中人嘅性格

#喜歡甚麼顏色 #性格 #顏色 #顏色心理學

唔知妳嘅意中人有冇特別鍾意嘅顏色?其實,顏色可以反映一個人嘅性格特質,而且,各種唔同嘅顏色都有唔同意義,將呢啲意義放返落人嘅性格上面睇,就可以代表住嗰個人有邊啲潛在優點同缺點。唔知妳又可唔可以由顏色看透並了解意中人呢?想知道佢鍾意嘅顏色代表啲咩性格,快啲睇吓下面嘅分析啦!

 

紅色

鍾意紅色嘅人係有朝氣、有活力,通常正能量滿瀉嘅人都會鍾意紅色。呢類人鍾意成為大家嘅焦點,性格外向、衝動、情緒化,遇到啲唔順心嘅事就一定會去投訴嘅人!另外佢哋多數都係行動力滿滿,做任何事都會散發住強烈、充滿激情嘅感覺,不過過於激動就會令情緒變得唔安定。

>>為了讓他更愛妳,妳該留意哪些事?

 

黑色

黑色係一種好沈實嘅顏色,帶俾人靈敏、強硬、傑出嘅感覺,越係想自己成為呢種人,就越會鍾意黑色!另外,鍾意黑色嘅人唔太鍾意聽從其他人嘅指令,討厭被束縛。呢種人通常第一眼會俾人覺得難以接近,但了解過後就會知道佢地其實係好人,從而比較容易建立朋友關係,佢哋雖然交友範圍唔廣,但都係一啲深交嘅朋友。

 

白色

白色帶俾人係一種純潔、清新嘅感覺,鍾意白色嘅人都希望自己過一啲單純、善良並簡單嘅生活。另外,佢哋都會抱住「正直」嘅生活態度,有啲生活潔癖嘅感覺,對於自我要求非常嚴格,亦可以令人信賴。

>>輸入名字,極速測算妳和他的戀愛機率

 

粉紅色

粉紅色係夢幻繽紛嘅顏色,代表住童話化、美麗嘅感覺,所以鍾意粉紅色嘅人內心都會有種夢幻心,有一大堆浪漫情懷同幻想,而且呢類人會比較傾向依賴人生活,「比起愛人,更想要被愛」,成日流露出任性,過份執著嘅一面。另外,佢哋對感情方面比較敏感同脆弱,好容易產生一種「柔弱」feel。

>>伊勢流全方位宿緣寶典為妳結下好姻緣!

 

橙色

鍾意橙色嘅人性格非常開朗活潑,而且係想成為有人氣嘅人。佢哋成日都會展露出奉獻精神,亦都鍾意娛樂大眾,會令到大家都鍾意。但掉番轉頭嚟講,八面玲瓏嘅性格會令到同朋友之間嘅關係變得比較薄弱,比較難同人深交。

 

黃色

黃色可以刺激到人嘅好奇心,而鍾意黃色嘅人求知慾非常旺盛,鍾意接觸新事物,又擅長辯論同埋撰寫文章。佢哋好有幽默感,同初次見面嘅人都可以傾到偈,所以交友圈子非常廣。不過性格雖然開朗,有時會用一啲比較尖銳嘅評論攻擊其他人,認為自己有理就不饒人。

>>>三分鐘極速準測戀人匹配度!

 

藍色

藍色代表知性、冷靜、慎重。鍾意藍色嘅人大多數平靜、從容,佢哋做事都會確實知道「底線」係咩,有好強烈嘅責任感,令佢哋成為可依賴嘅對象。不過,佢哋自尊心非常強,有時甚至會自負,會批評第二個人在自己之上或之下,如果佢哋表現出呢種態度,會令到人感覺到厭惡。

 

 

綠色

綠色係和平、自然嘅顏色。鍾意綠色嘅人都散發住平靜嘅感覺,對其他人會細心照顧,工作認真,對上司或下屬都非常和氣得體,深受大家喜愛。不過佢哋成日都被拜託做一啲自己唔想做嘅事,而最大問題係佢哋唔識say no,咁樣做會令佢哋產生好大嘅壓力。如果意中人係鍾意綠色,妳記得要讓佢適時講出自己嘅感受,先唔會不停累積負面情緒同負擔。

灰色

鍾意灰色嘅人偏向追求知性嘅感覺,佢哋忍耐力強,唔會感情用事咁講出一啲失禮嘅說話,係可以令人放心相處嘅人,適合理論邏輯強嘅職業,例如律師、醫師、警察等。不過佢哋比較唔會暴露自己嘅諗法,令到人成日估唔到佢哋內心所想,感覺冇人情味,亦都會帶俾人「機械人」嘅負面感覺。

>>看穿理性大過天的他對妳藏於心底的小秘密

 

棕色(咖啡色)

棕色帶俾人安定、平和嘅感覺。大多數鍾意棕色嘅人都係有好脾氣、擁有冷靜個性,但思想就比較保守,不過都係值得人信賴嘅!莊重、沈穩嘅性格雖然可以俾人地有安定嘅感覺,但佢哋對於急促嘅環境變化會無法適應,亦會表示輕視新潮諗法嘅人。

 

一樣米養百樣人,每個人都有與生俱來嘅優缺點,要點樣去放大優點,縮細缺點先係人生最重要嘅題目,希望妳都可以透過以上嘅顏色分析好好了解意中人,令自己嘅戀愛道路變得七彩繽紛!