【日防夜防地上最強情敵!】令現任女友一秒撻著嘅3種紅粉知己

#契妹 #情敵 #戀愛 #男人 #紅粉知己

小編相信男女之間存在住純友誼嘅,間唔中一齊食飯、傾下彼此嘅近況都係屬於正常社交,畢竟交朋友本來就無分性別,呢個世界唔係男人就係女人㗎啦,點阻止得咁多?而且,異性友人往往可以提供好多感情上嘅有效意見或分享心得,刺激妳另一半嘅愛情思維同雄性荷爾蒙,某程度上,妳嘅男朋友若有一位異性閨蜜在旁,只要「用得其所」,佢可以為妳解決唔少問題,妳兩個仲有機會成為好朋友㖭!

但若然情感過咗界,異性閨蜜發揮唔到「用得其所」嘅作用反而仲對妳嘅男友採取攻勢,好多時,男人就會界乎情感與理智之間搖擺不定,呢種被稱之為「男朋友嘅女閨蜜」嘅情敵總令妳防不勝防。要知道能成為密友大概總帶著愛,嗰種同妳嘅男友咩都可以傾、攬頭攬頸、徹夜吹水飲嘢嘅好朋友、契妹、紅顏知己、兄弟,會攞正牌「親近」妳嘅男友,作為女友嘅妳點忍?

相信如果妳現正遇上呢種「男朋友嘅女閨蜜」,以下幾個conditions定必令妳有所共鳴。

>>不需再理會綠茶婊!立即輸入名字,極速準測他是否真心愛妳!

 

 

第1種:「她」可能比妳了解他更多

男友嘅女閨蜜,通常同男友有一定嘅交情,可能佢地係青梅竹馬、中學同學,總之一定比妳更早認識男方,正因為已經識咗咁耐,佢哋以前就已經經歷咗唔少,有不少屬於佢哋兩個嘅專屬回憶。

由於係「老朋友」,女閨蜜一般都會好了解男友嘅喜好、興趣、家庭狀況、戀情、過去等等,例如佢鍾意食啲乜、食啲乜會過敏、鍾意邊隊NBA球隊、佢以前中學嗰陣暗戀邊個女仔,甚或是男方屋企有幾多個姨媽姑姐都會比妳瞭如指掌,呢啲瑣碎嘅二三事可能係微不足道,但喺女閨蜜把口講出黎就只會令妳呷醋、妒忌,妳會認為佢哋有無數個妳根本唔清楚嘅秘密、手勢、inside joke;佢哋之間充斥住嘅共同回憶同話題,反而令妳好似變咗小三。

>>想知道他是真心愛妳嗎?日式紫月塔羅立即測

 

 

第2種:「她」認為同妳男友單獨出門、有身體接觸實屬平常事

本來一男一女兩個係好朋友嘅關係下,單獨出去食飯睇戲絕對不為過,但係好多時真係唔係身為正印嘅妳唔夠大方,而係三更半夜當男友收到女閨蜜嘅急call想約佢出去見面,男友二話不說就會撲出去陪佢,咁叫諗多咗咩?

 

又或是當男友同女閨蜜玩得開心、玩得興起,身體接觸喺佢哋嘅角度嚟講係在所難免,但於妳而言,見到佢哋攬頭攬頸、摸頭摵面珠、繞哂手、細聲講大聲笑,又可以唔眼火爆咩?

更令妳心寒嘅係,男友遇到困難嗰陣會寧願聽閨蜜支笛或建議,妳嘅說話佢統統聽唔入耳,可能有時妳同女閨蜜嘅想法一致,但當同一句說話出自兩把口時,女閨蜜所講嘅會效果百倍,因為男友會覺得女閨蜜非常了解佢嘅處境,而且女閨蜜冇「女朋友」嘅角色包袱,會認為佢可以更中肯地提出切身處地嘅辦法,甚至可能佢哋兩個已經去到「大家唔洗講,心照啦!」嘅地步,從而成為彼此嘅soul mate。但呢一切喺妳眼中會變成妒忌、不安、猜疑,妳會開始亂諗嘢,然後男友會話佢哋只係buddy,以上行為係好normal、係一直以來嘅慣性;當妳想限制佢哋嘅行動或心靈陪伴,男友則會怪責妳不識大體、唔夠大方、唔講道理。

>>男友究竟鍾意妳定女閨蜜多啲?即check!

 

 

第3種:「她」對妳諸多意見

男友第一次帶妳出去同佢嘅女閨蜜見面,妳有冇覺得好似如臨大敵,似有「見家長」嘅感覺?女閨蜜認為自己係男友嘅好巴打,有女人嘅心思同時具有男性嘅觀點,再加上佢覺得自己好了解妳嘅男友,所以面對「妳」,佢會擺出一副高妳一等嘅戰爭格,俾好多「第三角色」嘅意見,呢啲「第三角色」嘅意見聽落中肯,好似毫無殺傷力,男友聽入耳都會全部受落,但其實佢係用審視嘅眼光去對妳評頭品足,無論係樣貌、妝容、髮型、性格、以至職業都會comment得淋漓盡致。每當妳同男友有拗撬、磨擦或關係遇到樽頸位要cool down一下嘅時候,女閨蜜總會蒲頭,陪伴並會勸喻男友同妳分手。

 

愛情本來就應該係「無論佢講乜,妳都會自然而然100%信佢」嘅關係,而呢段關係建立嘅基礎上係唔可以因為擔心「佢」會阻止或生氣而將所有事隱瞞唔講,所以無論佢有冇一個比妳更了解佢嘅紅顏知己,或是佢同前女友一齊食咗餐飯都好,只要妳相信佢,只要佢願意同妳講,咁再厲害嘅女閨蜜都無阻你兩個嘅戀情。

>>按這裡好好祈願一下妳和他的戀情吧!