【he got a crush on you?】6個表現透露男生其實對妳有好感

#CrushOnYou #愛情 #戀愛 #有好感 #男人 #鍾意

好多女人都成日都糾結喺個男人係唔係鍾意自己,係自己諗多咗定還是對方真係有意思呢?男人表達愛意嘅方式其實好簡單,絕大部分都冇邊個係會轉彎抹角,佢鍾意就鍾意,冇好感佢就連理都唔會理妳。喺現實世界入面想搵啲蛛絲馬跡去證明佢真係對妳有意思,但妳又偏偏好驚表錯情?其實又唔難嘅,女人喺愛情上面嘅直覺成日都幾準吓,有時信吓自己都好㗎!小編總結咗以下6個男性表現,如果妳發現佢對妳做超過一種或以上,話唔定佢其實對妳都有好感喔~

>> First Thing First Do! 揭露他是否真心愛妳

 

 

#1 佢願意為妳放棄鍾意嘅嘢, 犧牲玩樂時間

只要一個男人願意為妳放棄打機時間、睇波時間,又或者係為妳放棄咗同friend出去吹水飲嘢嘅時間,呢個男人十有八九對妳好有意思。因為就算真係做咗情侶,佢都未必會願意為妳放棄佢最愛嘅消遣而走去陪妳行街睇戲食飯。妳撥個輪搵佢出嚟,佢就二話不說隨傳隨到,除咗係對妳有意思呢個理由之外,我就真係諗唔到其他原因喇!

 

男人安排時間係非常特別,佢認為「得閒」係佢認為得閒嗰陣,即係就算妳見到佢無所事事係屋企,但只要佢認為自己忙緊,妳叫佢去救火佢都係冇時間,所以如果真係有一個男人願意山長水遠接妳收工,陪妳食個宵夜又或者係妳唔開心嗰陣出嚟陪妳飲嘢,真係非常難能可貴!

>>究竟佢心入面係妳緊要啲定係部遊戲機重要啲?即刻透視出他的心中順位!

 

 

#2 朋友觀察透露

有時候聽吓朋友講吓都幾有道理㗎,所謂旁觀者清吖嘛,佢哋總會留意到妳唔知嘅細微地方,可以試吓問佢地嘅睇法,話唔定可以從中知道個男人點諗呢,又或者係其他人對佢嘅睇法!其實仲可以向嗰個男人嘅朋友埋手,因為「兄弟情」永遠都係無所不談,有咩疑惑或者煩惱,不妨搵吓佢地問吓意見,就可以問到答案㗎喇!真係糾結喺個男人係唔係鍾意妳,妳開聲問吓佢啲朋友,我相信大部分男人都會如實上報。

>>只需三分鐘,塔羅極速準測戀人匹配度!

 

 

#3 成日message 或打電話約妳,噓寒問暖

男人係一種諗嘢偏直接簡單嘅生物,佢對妳有好感先會日日對妳噓寒問暖,又成日message妳,驚死妳一分鐘冇收到佢message就會唔記得咗佢咁。咁其實佢哋又冇錯嘅,碌存在感吖嘛,如果唔係妳feel唔到佢嘅真心,接受咗第二個,佢咪渣都冇?男人喺佢地表達關心嘅同時,成日都會連啲愛意都一齊出埋,佢地呢種簡易表達模式真係有時候令到人好疑惑。但其實最終都係嗰句:驚妳走左去吖嘛!

>>他想將妳私有化嗎?!直接了解他的想法!

 

 

#4 願意談論未來

男人喎!願意同妳談論到未來嘅真係負責任喇,咁但係又唔排除有一小部分男人口花花得個講字嘅!如果一個男人願意負責妳嘅下半生,除咗鍾意妳,我就真係唔知仲可以點解釋喇!一個男人肯為咗妳儲錢、計劃結婚買樓,妳仲想佢點?當然空口講白話好易㗎咋,重點係睇佢有冇付諸行動,不過肯講即係代表佢有考慮過啦!另外,如果佢喺妳面前可以做到毫無顧忌;聽個電話唔會左閃右避;可以將手機銀包全部坦蕩蕩咁俾哂妳睇嘅話,佢嘅可信程度已經好高,肯同妳坦誠相對,實係對妳有feel啦!

>>他對妳的愛意已高達●●%!click入去睇真啲

 

#5 經常喺妳面前表現有才華嘅一面

 

人都係要面子嘅生物,佢哋好希望喺自己心儀嘅女人面前威到盡,所以佢哋有意無意都會喺妳面前表現得非常出色,行過通利見到有鋼琴都要彈返兩首飲歌;去到妳屋企見到燈膽燒咗,係都要幫妳換咗先安樂;去露營明明有火機都要鑽木取火嘅大有人在,講到尾,佢哋都只係想喺妳面前表現自己,俾妳睇到係優質潛在股嘅自己,潛意識即係話「揀我啦!揀我啦!I am the best!」如果佢唔係對妳有意思,點會咁用力表現自己先?

 

#6 咩都以妳為先

「咩都以妳為先」其實同做咩都尊重妳有好大關係,普遍男人都係心思唔及女人咁細密,但行動卻異常衝動嘅生物,佢能夠咩都考慮到妳先,咩都問過妳先,係一樣好出奇且難得嘅事!愛情真係會改變一個人,係男人心目中,緊張程度同鍾意程度基本上成正比嘅,佢愈緊張妳即係代表佢愈鍾意妳。簡單咁講,男人真係可以做到咩都自己做決定,佢唔需要考慮其他人感受,但如果喺做決定之前有問過妳,又尊重妳嘅話,佢對妳有好感嘅程度都屬於偏高㗎!

>>他一早已對妳存有超友誼好感!按這裡詳細閱讀

 

如果妳發現身邊有個男人對妳做到以上一個或多個表現,先恭喜妳,佢已經不知不覺地鍾意咗妳喇!若果妳同對佢有意思,不妨大膽啲為愛情出一分力啦,預祝妳蜜運成功!

>>為了讓他更愛妳,妳還應該留意哪些事?