【桃花運UP】學學看!日本妹聯誼必勝5招

#受歡迎 #戀愛 #我要做女神 #旺人緣 #桃花運 #聯誼

日日工作冇停手嘅妳係唔係想識個男仔拍下拖都冇時間呢?Speed dating(聯誼)就此應運而生,俾一眾港女喺大小派對場合中識吓異性、散發一下女性荷爾蒙,話唔定咁就可以搵到陪妳過一世嘅夢中情人!但係點樣可以喺Speed dating入面脫穎而出成為眾人嘅焦點所在?有見及此,小編以聯誼盛行嘅日本作為借鏡,調查咗日本女仔點樣突圍而出「獵男」成功,得出以下5個小秘訣,學足做齊哂妳都會成為超受歡迎嘅party queen!

>>聯誼會前,不妨先開一開愛情運讓妳把心儀男生手到拿來!

 

 

#1 著「適合」自己嘅衫

每個女生都鍾意行街買衫,但係就未必個個都識襯衫襯出自己獨有嘅style。其實個人穿搭除咗要抓住眾人目光,展現自我優勢都非常重要,千祈唔好覺得今年興著乜就將嗰啲單品著哂上身,要自己著得舒服、乾淨企理反而更加重要。

以下教各位女生幾個實用穿搭tips,俾妳更容易搵到最適合著邊類型嘅衫!

– 首先要了解自己究竟屬於邊種膚色,如黃膚色、暗膚色、紅膚色、白膚色,然後根據自己嘅膚色、體型再選擇服裝搭配。

– 黑色永遠係最冇甩拖嘅經典流行顏色,但如果妳臉色屬暗沉就最好避免,可以選擇低飽和度嘅顏色,如灰色、杏色、米白色都係好選擇。

– 唔好盲目跟風,盡可能購買經典款式嘅衣飾,締造襟著、襟睇、襟興嘅風格。

– 時裝嘅巨輪一直都on the loop,所以並不存在絕對流行,只要妳穿搭得宜就可以。衣服略帶淺藍、深灰二色,配上鮮紅、白、灰色也是相宜的。此外,穿上黃棕色或黃灰色的衣著臉色就會顯得明亮一些;若穿上綠灰色的衣著,臉色就會顯得紅潤一些。

 

#2 首選能清楚看到男方眼睛嘅座位

偶像劇中經常出現男女主角定睛對視超過7秒就會互生情愫,現實生活中都一樣會發生!心理學研究指出,以微笑注視著一個人7秒鐘,以霸道形式佔據心儀對象嘅視線,其實真係可以引起對方心跳加快。所以,早啲去到聯誼場地,預先望清楚心儀男生究竟坐邊度,揀好有利位置發送最強電波,自然近水樓台就得月!

>>要拉近妳跟他之間的距離,妳需要【按這裡】

 

#3 笑容好重要

擁有豐富表情嘅女生,會俾人一種容易了解、正直嘅印象。受歡迎嘅女生都非常善於向對方表達自己,如果妳認為自己係內向派,不妨從開朗嘅微笑開始著手,因為將笑容時常掛喺嘴邊嘅女生都會俾人一種好溫暖而且平易近人嘅感覺,而且笑容嘅感染力真係好大,同鍾意笑嘅女生喺埋一齊,再冰冷嘅心都會被治癒,呢點無論男生女生都無法抗拒喔,所以,笑多啲就啱㗎喇!再配合埋適當嘅手勢同表情變化,會令對方覺得「妳真係好傾」、「仲想再同妳相處一下」,咁話唔定往後就會有發展嘅機會喇!

 

#4 適當身體接觸

對男生而言,唔做作嘅身體接觸最得人心,例如贏遊戲時give me five、細沙入眼時幫忙吹、雙手冰冷時搓手溫暖等動作都能夠留低溫柔體貼嘅印象;想額外再令佢暈陀陀嘅話,聯誼時可以藉著睇menu嗰陣拉近距離、或者喺佢耳邊細聲講大細笑,尤其當兩個人肩並肩坐埋一齊、膝頭彼此碰觸超過5秒,都會令男生對妳嘅好感度極速增加!

>>日式塔羅即測出佢係唔係想妳做佢女朋友!

 

#5 後續連絡

聯誼會接近尾聲時,記得要留低聯絡方式俾心儀男生,無論係電話號碼、facebook ID、IG都可以,但切記後續聯絡嗰陣唔好一開始就問啲追問性嘅問題,例如:「你忙緊呀?!」、「點解唔覆我message?」、「你做緊乜?」,咁樣人哋只會覺得妳好煩。最好可以開啟一啲新話題、主動分享一下生活,如果關係已經熟絡咗,妳可以設計一啲「陷阱」令男生自然而然地踩入去,例如妳可以whatsapp佢話:「一陣收工唔知食咩好呢?」,如果男生對妳有好感,通常都會問妳一唔一齊食餐晚飯,咁樣就創造多一次見面機會啦!

>>交換電話之後妳應該主動聯絡他嗎?讓塔羅幫幫妳

 

睇完呢5招速成攻略,相信妳都會好快成為聯誼會中嘅人氣女王!不過要記住,以上5招都只不過係技巧,真正可以改變戀愛運既其實係妳自己,時常檢討自己不足嘅地方,並加以改進,相信等緊妳嘅只會係更美好嘅戀情同幸福嘅人生!

>>日本靈力加持!進來祈願妳的戀愛順利吧