【兩人關係總是止步不前?】為妳送上單戀小錦囊

#二人關係 #單戀 #戀愛 #戀愛錦囊 #止步不前 #突破

妳,有冇默默咁鍾意咗一個人?

單戀,就係有種想主動而又怕被拒絕嘅困擾,明明個心好在意佢但又必須要故作矜持,喺做朋友同渴望做情人之間不停loop⋯⋯但呢啲過多嘅猶豫不決同堅持,倒頭嚟都只係得個「恨」字。愛情同世間萬事萬物一樣,講求天時、地利、人和,佢或者係對的人,妳鍾意佢、妳愛上佢,但無奈嘅係大家卻喺錯嘅時間相遇。

小編因著「單戀」呢個課題,搜集咗幾條問題或情境去訪問咗幾位女性嘅見解同態度,當中嘅故事可能都同妳有所共鳴,為妳嘅情路提供些少指引。

>>真實報告出妳的單戀在1年内的結局

 

 

課題1:「剩係單獨兩個人嘅時候先會傾偈,但同好多人一齊聚會嗰陣就會特登坐遠避開,有咁遠走咁遠。」

 

喺正常情況下,單戀者應該無時無刻都想爭取機會接近對方,令關係急速升溫,務求快快趣由單戀變做相戀,所以我地係寧願靠近希望,都唔想錯失機會。如果妳係真心鍾意一個人,妳唔會想同佢有任何距離,但大前題係佢唔知妳鍾意佢。一旦妳唔小心喺佢冇心理準備之下俾佢知道咗妳單戀佢,而佢並冇俾任何回應妳,為免尷尬,妳可以暫時離開,calm down下先吖嘛!

 

第二個情況就係,妳想同佢扮唔熟,唔好令周遭嘅朋友誤會嘛!但係呢一個假設係非常愚蠢嘅,而家都已經到左廿一世紀喇,唔好當妳身邊嘅朋友都係傻仔,如果係真愛就主動出擊啦,仲玩欲拒還迎?out咗㗎喇!

>>他想認真跟妳戀愛嗎?即睇!

 

 

課題2:「唔知道係因為鍾意先避開,定係討厭先避開,點樣分先啱呢?」

 

每個受訪者聽到呢個問題都靜左一陣,原來有人係分唔清楚鍾意同厭惡㗎!綜合大家嘅諗法,其實鍾意一個人而避開係因為唔想破壞呢段看似係「純友誼」嘅關係,唔想令到大家更加尷尬所以迴避;而避開一個討厭嘅人係理所當然,心入面係唔會有任何留戀或不捨。簡單啲講係因為重視一個人先會想彼此關係保持良好,而討厭一個人就唔需要任何理由,即係我憎妳就係憎妳,冇點解!老老實實,其實鍾意一個人,就唔好避開對方喇,因為咁樣可能會令妳錯失一個妳深愛或深愛妳嘅人,一生人可能真係撞得一個Mr. Right㗎咋,唔好因為自己嘅「荒謬理由」拒人於千里之外,俾個機會大家好好傾下相處下,避開只會令呢段關係停滯不前,唔會有進步空間。

>>忽冷忽熱的態度究竟想怎樣?立即解構!

 

課題3:「同對方唔會傾到有關戀愛嘅話題,佢應該唔係我嘅真命天子啦可?」

 

如果係自己嘅Mr. Right,應該係任何話題都可以傾,唔會收收埋埋。如果選擇唔講,即係有啲嘢想隱瞞,未一齊就已經瞞嚟瞞去,點會仲想繼續發展落去呢?不過講返轉頭,亦有一啲男仔唔鍾意同妳講關於愛情嘅話題係因為其實你哋根本唔係好熟,做咩要搞咁多令人曖昧嘅話題出黎先?!所以唔係唔提,可能只係未到時候㗎咋!既然雙方都有好感,唔好咁快去斷定對方適唔適合自己,俾多少少時間做吓朋友,傾多啲偈,彼此了解多啲再作決定啦!唔同人有唔同性格,要想知道對方係咪妳嘅真命天子唔係靠溝通嘅話題,反而係靠睇妳同佢相處得出嚟嘅感覺,唔好俾啲世俗眼光影響到妳同佢,因為將來嘅事冇人知,佢係咪妳將來嘅嗰個只有天知。

>>真命天子就在這裡公佈給妳看㊙️

 

課題4:「單純女性朋友同可以成為女朋友嘅女性有咩分別?」

 

喺一般情況下,女性朋友同女朋友最明顯係區別就係親密接觸,女性朋友係絕對唔可以超越道德嘅界線,而女朋友可以話係有哂permit揸正牌嚟做。講真嗰句,女性朋友可以係紅顏知己,但一定唔會動搖到女朋友嘅地位!咁喺時間分配方面,女朋友就一定係多過女性朋友㗎啦,如果唔係分得手啦,邊個女人可以接受到自己嘅時間少過一個普通朋友呢?不過好多男人都鍾意踩過哂界,宣稱係女性朋友但就做哂啲女朋友先做得嘅嘢!咁又點計先?只能夠話男人真係好驚負責任,一旦妳成為左佢女朋友之後,佢就要負責任,所以佢寧願妳做佢紅顏知己,畢竟知己係唔需要負責任㗎嘛!其實對於女方嚟講都係,唔講到出面唔洗負責任,妳有妳玩,我有我蒲,好公平嘅!

 

上述狀況可能妳都有遇到過,唔知妳當時又係點應對㗎呢?希望小編可以比到少少想法或提示令妳嘅戀情路更平坦、康莊!

>>愛的告白即將實現?!這裡看大師指點一二❤️