被單戀折磨得死去活來的妳:如何放低呢段徒勞無功嘅辛苦單戀?

#HowToForget #單戀 #忘記 #戀愛

從大學畢業後,妳開始投身社會,用無數個OT夜晚、飲過幾多杯齋啡、經過幾多個獨自喺office捱飯盒嘅日子,換嚟「女強人」三個字。但係無論女強人嘅外表幾咁硬淨都好,心底都會想攰咗有個人可以依靠下、病咗可以被好好照顧、大時大節唔想一個人過⋯⋯但妳縱然心入面一直有個「他」,你哋嘅關係就總係唔可以由朋友躍升為戀人,因為一直都只係妳患上單思病,佢個心卻不曾有過妳。

 

單戀嘅痛苦實在不足為外人道,所以妳大可以盡情難過,再俾多自己幾日時間沈浸於單思病中再一次緬懷妳同佢嘅曾經種種,但一定要為自己設定一個期限,喺期限之後,妳必須整理好自己嘅內心,將佢收埋喺妳嘅心深處,然後重新出發。以下幾件事將會有助妳建立正面情緒,讓妳走出單思痛苦。

>> 即睇【單戀完結聲明】對方的全真心+全真相!

 

#1 認清事實

妳應該好清楚,呢個世界有好多事就算努力咗都唔一定有收穫,愛情亦如是,妳就算對嗰個人幾咁死心塌地、隨傳隨到都好,佢都唔一定要回應妳嘅愛,呢個時候,妳就要認清楚,愛情係一樣唔係光靠努力就能成就嘅事。認清事實之後,將愛情睇淡一啲,順其自然啲,心情都會漸漸變得好啲。

>> 靠自己不能認清事實嗎?這裡給妳完全揭露他的真心

 

#2 可以仍然掛住佢,但唔可以因為佢而停留原地

可能喺妳單戀嘅世界入面就只有佢存在著,但殘酷嘅事實係,呢個世界並不只有佢一人,妳每日都有向前邁進嘅目標,因此妳唔可以為咗佢將正在進行嘅其他事情叫停。時間不等人呢個道理,妳必須要明白,當妳將所有時間、精力陷入單思病中,妳可能會因此耽誤學業、錯過一個工作機會、錯過咗一啲關心妳嘅人,咁值得嗎?

 

#3 be thankful!

雖然妳心目中嗰個「他」冇為妳帶黎一段可歌可泣嘅愛情故事,但妳都要多謝佢帶俾妳嘅一切,包括同妳一齊曾經經歷嘅每一件事、佢牽動妳情緒嘅每個moment,呢啲都係建構妳日後幸福嘅重要元素,妳要學識諗:「因為有單戀嘅佢,我先知道原來愛一個人係點樣嘅心情。」

也許妳嘅單戀以失戀收場,但圍繞妳身邊嘅的人、事、物都依然好美,當每朝藍天白雲同妳講早晨、食到一個好味嘅早餐A、咖啡店老闆用心為妳手沖一杯熱咖啡、同事陪妳加班OT⋯⋯妳會發現人生雖然冇咗佢,但依舊美好。珍惜生活中嘅美好小事,感謝至少妳身體健康,從每件小事件開始抱正面態度,幸福都會悄然光臨。

 

#4 學會等待,因為妳值得被愛

請接受每個人都係獨立個體,愛唔需要控制,就算愛不到妳亦唔需要呼天搶地,因為日常生活中,一開始就兩情相悅屬於愛情嘅少數,大多數都同妳一樣處理長期單戀狀態,其實只要妳願意走出單思情緒,參加多啲朋友聚會、生活唔好只剩低公司同屋企,俾多啲時間自己,亦都俾多啲時間愛情丘比特為妳作出最好嘅安排,耐心等待、相信自己值得被愛,就係下一段戀愛嘅基本養分。

>> 來自峇里島最高僧侶之激準鑒定妳的全宿命!看看甚麼時候能遇到最終的幸福

 

#5 單戀以失敗告終,並唔係妳墮落嘅藉口

通過人喺失意、唔開心嗰陣總會借酒澆愁,當然落酒吧happy hour放鬆一下,飲返兩杯小酒絕對無傷大雅,但如果醉到不醒人事根本對失戀完全冇幫助,相反仲會令妳陷入痛苦之中,越踩越深,咁樣以逃避方式麻醉失戀帶來嘅痛楚,愚蠢之餘,更加會拉長咗悲傷期限,寶貴嘅健康都會因此出現問題。

 

#6 請記得,失戀的痛

妳一定都有過「那些年」嗰種青澀又無知嘅puppy love,而家回想起黎,有冇覺得當初嗰份執著同痛苦已經隨住時間一齊逝去?而家妳會睇清楚嗰段戀情嘅盲點,就算同朋友講起亦會一笑置之,所以現正為單戀痛苦嘅妳都一樣,就算而家個心好痛好痛,將來嘅妳都必定唔會感到可惜。

>> 不要沈醉於失戀的痛!給妳最清醒的一記戀愛忠告

 

痛苦會漸漸化為一段回憶,重點係妳得到咗啲乜、學到啲乜、有冇成長咗。多年後妳再回看自己,妳將會感到proud of yourself,因為妳已經蛻變得更美了。

>> 來!看這裡給妳一份成就戀情極速攻略!